2024-06-25
HomeLan Osasuna IdazkaritzaPrekarietatea HiltzaileaArrantzaleen bizia dago armadoreen interes ekonomikoen gainetik

Arrantzaleen bizia dago armadoreen interes ekonomikoen gainetik

Pasa den ostegunean, urtarrilaren 25ean, Indiko itsasoan ari zen Bermeoko Atunsa enpresako atunontzi batean arrantzale bat hil zen lan istripuan. Gaur, urtarrilaren 29an, gehiengo sindikalak kontzentrazioa egin du Bermeoko Lameran lan istripu hilgarri hau salatzeko.

Ez da lehen aldia enpresa horretako ontzietan arrantzaleak lan istripuan hiltzen direla. Ostegunekoa, azken urteotako hirugarrena izan zen. 2008ko irailaren 16an E.L.M. Langilea hil zen, “Izurdia” izeneko atunontziko arrantzalea. 2007ko azaroaren 12an, L.E. “Txori Toki” atunontziko langilea hil zen, bihotzekoak jota. Aski da!

Lan istripu hauek estatistika soila bihurtuko da hainbatentzat, Instituzioentzat, Osalanentzat, Lan Ikuskaritzarentzat, Enpresarientzat,… baina ez guretzat, ordea. Erailketak dira.

LABetik betidanik eskatzen ari gara arrantza sektorearentzako lan baldintzak duinak. Hau da, interes ekonomiko gainetik arrantzaleen segurtasuna bermatu behar dela eta tokatzen zaiezkien atsedenak bete ditzatela, bai itsasoan eta baita lehorrean ere. Zergatik? Itsasoko lan baldintzak gogorrek, segurtasun eta atseden ezak sortutako arriskuek eta nekeak arrantzaleen bizia jokoan ipintzen dutelako, hain zuzen. Orain gertatu den bezala. Noiz arte itxaron behar da neurriak hartzeko istripuak eta ezbeharrak ez gertatzeko?

LABetik bai armadore elkarteei (Organización Productores Asociados Grandes Atuneros Congeladores- OPAGAC, Atun-itsasontzi Izozkailuen Armadoreen Elkarte Nazionala-ANABAC, Ondarroako Portuko Alturako Arrantzako Ekoizleen Erakundea-OPPAO), baxurako kofradiei, EAEko Arrantza Sailari, Espainiako zein Frantziako gobernuei zera exijitzen diegu: arrantza arduratsu eta iraunkorraren alde egin dezatela; arrantzaleen baldintzak hobetzeko, belaunaldi aldaketarako eta gure flota bideragarria izateko apustua egin dezatela eta euren probetxurako arrantzale-langileon eskubideekin eta biziarekin ez jolasteko.

LABentzat armadoreen interes ekonomikoen gainetik arrantzaleen bizia dago eta horren alde borrokatuko dugu.
 

 

 

AZKEN ALBISTEAK | ÚLTIMAS NOTICIAS

Espainiar Estatuko langile publikoentzako soldata igoera inposatua da eta erosahalmenaren galeran sakontzen du Hego Euskal Herriko langileentzat

LABen ez dugu ontzat ematen bihar Espainiako Gobernuko Ministro Kontseiluak Estatu osoko langile publikoentzako (*) onartuko duen %2ko igoera gehi %0.5eko baldintzatutako gehigarria.

Zumarragako posta zerbitzuaren egoera onartezina da

Plantillari dagokionez, lanpostu huts ugari daude; adibide gisa, goizeko txandako langileen egoera; izan ere, egun batzuetan 5 pertsona baino ez daude bete beharreko 13 lanpostutarako, hau da, % 62 ez da betetzen. Zoritxarrez, egoera hori oso ohikoa da lantoki honetan. Plantillak hainbat elkarretaratze egin ditu langile-falta salatzeko, baina arazoa ez da hobetzen hauteskunde-aldiaren ondoren, eta enpresak ez du inolako asmorik kontrataziorik egiteko. Uztailaren 7an oporraldian sartuko gara eta oporretara joango diren langileak inork ez dituela ordezkatuko aurreikusten da.

Nafarroako Zurgintzako hitzarmena sinatu dugu, eskubideetan aurrerapenak baititu eta erosteko ahalmenari eusten baitio

Gaur goizean LAB sindikatuak Zurgintza sektoreko Nafarroako hitzarmena sinatu du, 2023 eta 2025 urte bitarteko indarraldia izanen duena. Hitzarmen honek eskubideak handituko ditue eta langileen erosteko ahalmenari eutsiko dio; nahiz eta negoziazioak iraun bitartean patronala behin eta berriz saiatu den lan baldintzak okerragotzen praktiketako kontratuen soldatak txarragotzeko edo soldata igoera KPItik aldentzeko bezalako neurriekin.