Eusko Jaurlaritzak Basque Research and Technology Alliance (BRTA) Partzuergoa sortu du, 16 zentro teknologiko koordinatzeko asmoarekin.
LABentzat BRTAren sorrera galdutako aukera bat da:
Daukagun defizit teknologikoaren aurrean ez da neurririk planteatu. 2020 Zientzia eta Teknologia PlanekoBPGren%3a I+G+Bbideratzekohelburuanongelditudenikusita,argiadabeharadinako esfortzurik ez dela egiten.
Partzuergoaren osaketan ez dute langile zein sindikatuen iritzirik kontuan izan, erabakiak hartzerakoan aldebakarrez hartzen dituzte. Horrelako prozesuetan parte-hartzea ahalbideratzea beharrezkoa da LABentzat.
Gardentasun handirik ez dago, eta ez dute zehazten horrek zer eragin izango duen Zentru Teknologiko bakoitzean. Horregatik, LABetik 16 zentro teknologikoen eta lanpostuen etorkizunaren inguruko argipen eta bermea eskatzen dugu.
Ibilbidea hasi berri duen BRTA garaiz dago hain beharrezkoa den herri estrategia bat bideratzeko, industriaren etorkizunerako horren funtsezkoa den eremu honetarako. Zentro teknologikoen jardueraren eta industriaren lehiakortasunean ardatz izango diren langileen aldeko apustua egitea beharrezkoa da, eta horretarako finantziazio eta lan baldintza duinak eskatzen ditugu.