2023-12-10
HomeIndustriaMetalgintzaBorrokaren aldarria entzun da Gasteizko kaleetan barrena

Borrokaren aldarria entzun da Gasteizko kaleetan barrena

Gasteizen bildu garen guztioi enplegua eta industria nahi dugula batzen gaitu. Injustiziaren baten aurrean altsatzeak batzen gaitu, beste eredu baten alde borrokatzeko prestutasunak batzen gaitu.

Euskal industria eta enplegua ez daude salgai. Gure seme-alaben geroa ez dago salgai. Gobernuari eskatzen diogu egoerak eskatzen duen mailan egotea, herri honetako langileen mailan egotea.

Ez dugu amore emango. Enpresak irekita nahi ditugu, lanpostuak sortzen, aberastasuna banatzen. Horretarako langileak babesten dituen enplegu eta politika industriala posible eta beharrezkoa da. Aberastasuna sortzen eta banatzen duen eredu ekonomiko indutriala posiblea da. Langileok prest gaude borroka hori egiteko, bide hori egiteko.

 

 

 

AZKEN ALBISTEAK | ÚLTIMAS NOTICIAS

Lizarran erditzeko zerbitzua itxi izana Osasun Departamentuaren aurreikuspenik ezari egozten diogu, haren utzikeria eskualdeko osasun zerbitzu publikoak desegiten ari baita

LAB sindikatuan hilabeteak daramatzagu Lizarrako Osasun Barrutiko osasun zerbitzu publikoen egoera larria salatzen, eta duela aste batzuk informazio kanpaina bat egin genuen datu ofizialen bidez frogatzen zuena Estellerriko herritarrak sufritzen ari direna egiazkoa dela, eta ez sentsazio hutsa. Orain, aurreko gerentearen kudeaketa tamalgarriak eta Osasun Departamentuaren ekimenik ezak eskualdeko ospitalea erditzeko zerbitzurik gabe utzi dute, zerbitzua berreskuratzeko datarik gabe, bere garaian etxeko ospitalizazioarekin gertatu zen bezalaxe.

Estatuan baino gutxiago ordaindu beharko dutenez, Fortuna Handien gaineko Zergaren inguruko akordioak patronalari eta kapital errentei mesede egiten die

Ditugun eskumenak presio fiskala areagotu eta zerga sistema sakonki eraldatzeko baliatu behar direla uste dugu LAB sindikatuan. Hala, EAJ-PSEren gobernuak Elkarrekin Podemosekin egindako akordioa ez da inondik inora ere nahikoa, eta kontrako norabidean doa.

Salatzen dugu atzo Erandion hildako langileak 66 urte zituela eta bakarrik ari zela soldadura lanak egiten

Lankide, senitarteko zein lagunei elkartasuna adierazteaz gain, lan-erreformek prekaritatea areagotu baino ez dutela egin nabarmendu du sindikatuak, lan-osasuna bermatu behar duten instituzioek gaiarekiko duten axolagabekeria kritikatzeaz gain.