LAB, CCOO eta UGT sindikatuon oharra, gaurko mahai negoziatzailearen harira:
Bizkaiko metalaren hitzarmena negoziatzeko mahaiaren azken bilera modurik txarrenean amaitu da. Aurreko bileran FVEMi proposamen bat eskatu zitzaion pertsonen erosteko ahalmena bermatzeko eta alderdi atzerakoiak kentzeko, baina FVEMek aurrekoa zehazten duen proposamen bat ekarri du mahaira, gehiengo sindikalaren helburuetara hurbiltzen ez dena.
Soldatei dagokienez, pertsonen erosteko ahalmena bermatu gabe jarraitzen duen soldata proposamena eskaintzen du. Horren truke, gutxieneko bermea murrizteko, malgutasuna handitzeko eta aldi baterako ezintasunagatiko osagarriak zalantzan jartzeko asmoarekin jarraitzen du.
Negoziazioa desblokeatzeko asmoz, gehiengo sindikalak proposamen berri bat erregistratu du, baina FVEMek atzera bota du, beste kontsideraziorik gabe.
Horrela, metalaren grebak egingo dira, eta mobilizazioan berriro konkistatuko dugu Bizkaiko metalaren hitzarmena. Egunsentia baino lehenagotik egongo gara enpresen atean, eta eguerdian kaleak beteko ditugu: 27an Durangokoak, 28an Barakaldokoak eta azaroaren 2an Bilbokoak