2024-04-20
HomeLan Osasuna IdazkaritzaPrekarietatea HiltzaileaBizi eta lan duinak behar ditugu, lanetik onik eta bizirik bueltatzeko eskubidea...

Bizi eta lan duinak behar ditugu, lanetik onik eta bizirik bueltatzeko eskubidea dugulako

Atzo, urtarrilaren 2an, 54 urteko langilea hil zen Gasteizen, eraikin bateko andamio batetik erorita, Arnaiz ASC 21 S.L. eraikuntza enpresarentzat lanean ari zela.

Hau da 2020an izandako lehen lan istripu hilgarria. Zoritxarrez, urtero, altueratik erori eta hil egiten diren langileen heriotzak errepikatu egiten dira. 2019an gutxienez 44 langile hil ziren lanean, hauetatik 5 altueratik erorita. Onartezina da, kontuan hartzen badugu istripu guzti hauek ekidin zitezkeela oinarrizko segurtasun neurriak hartuz..

Lehenik eta behin, LABetik gure babes eta elkartasunik zintzoena erakutsi nahi diegu hildakoaren senitarteko eta gertukoei.

Langile honen heriotza babes neurri ezaren ondorio zuzena izan da, Osalanen informea jasotzen duen bezala. Eskatzen dugu argitu dezatela zergatik ari zen lanean, jai-eguna izanda Arabako eraikuntzako sektorean.

Istripu hilgarri honen arduradunak seinalatzeko eta erantzunkizunak garbitzea exigitzen dugu.

Istripu hilgarriek erakusten dute prekarietatearen aurpegi bortitzena. Eraikuntza sektoreko lan-baldintzak, enplegu eta lan-baldintza kaxkarrak, egiazko prebentzio eta babes neurri ezaren ondorio zuzena dira. Larriena dena da horren guztien atzean dagoen zio bakarra enpresen diru gosea dela. Lan kosteak murriztuta irabazi tasak mantenduz sakontzen da prekarietatean eta ez dira beharrezko prebentzio neurriak hartzen.

Instituzioei eta Gobernuei beste aldera begiratzeari uzteko eta behingoz lan osasun politikak errotik aldatzea exigitzen diegu.
Laneko biolentziarekin amaitzeko bizi eta lan duinak behar ditugu, lanetik onik eta bizirik bueltatzeko eskubidea dugulako. Eredu berri bat gauzatu behar dugu, langileon bizitza eta osasuna lehenetsiko dituena.

LABen lanean eta borrokan jarraituko dugu langileon eskubide, segurtasun eta osasunaren alde. Istripua salatzeko, dei egiten diogu langile klaseari antolatuko diren mobilizazioetan parte hartzea. Gehiengo sindikalarekin batera, mobilizazioa egingo dugu datorren asteartean, urtarrilaren 7an 11:00etan, SEA patronalaren egoitzaren aurrean (Gasteizko Postas kaleko 32an).  

 

 

AZKEN ALBISTEAK | ÚLTIMAS NOTICIAS

LABek ez du sinatu EAEko anbulantzietako aurreakordioa, hilabete luzetako borrokan planteatutako gutxieneko hobekuntzak ez baititu jasotzen

Anbulantzietako langileentzat Osakidetzako lankideekiko homologazioa eta soldataz haragoko bestelako hobekuntzak alde batera utzi dituzte azken asteetan LABi bizkar emanda aritu diren ELA, CCOO eta UGTk. LABek ez du sinatu aurreakordioa.

Patronalaren eta instituzioen utzikeriak dirauen bitartean prekaritateak hiltzen jarraitzen duela salatu dugu Gasteizen

Iragan asteburuan bi Euskal langileren heriotzen berri izan dugu, garraiolari bat Lleidan eta langile autonomo batena, Gasteizen. Gure elkartasuna eta besarkada beroena hurbilekoei.

Euskal Herriko Pentsiodunen Mugimenduak iragarritako Herri Ekimen Legegileari babesa adierazi dio LABek, gutxieneko pentsioak 1080 eurotara premiaz osagarritu daitezen

Atzo, apirilak 19, milaka euskal pentsiodun atera ziren kalera. Gasteizen egindako mobilizazioan, 1080 eurotako gutxieneko pentsioa behingoz berma dadin 170 udaletan baino gehiagotan aurkeztutako mozioak izan zituzten hizpide, baita horren segida izango den lantzen dabiltzan Legez besteko Proposamena ere. LABek mugimenduaren aldarriekin bat egiten du eta ekimen berri hau babesten duela adierazi du.