2024-06-25
HomeZerbitzu PublikoakOsasungintzaBilera eskatu diote Jon Darponi Asuncion klinikako langileek

Bilera eskatu diote Jon Darponi Asuncion klinikako langileek

Eusko Jaurlaritzako Osasun Sailari Tolosaldeko osasun zerbitzuaren egoera larriaren aurrean berehala esku hartzeko eskatu diote, gaur egindako agerraldi batean.

Hauxe da Asuncion klinikako langileek gaur igorri duten oharra:

Asuncion-eko langileek azken urteetan gure lan baldintzetan jasan dugun prekarizazio larriaren aurrean, Eusko Jaurlaritzako Osasun Sailari Tolosaldeako osasun zerbitzuaren egoera larriaren aurrean berehala esku hartzeko eskatzen diogu.

Langile guztien izenean eskerrak eman nahi genizkieke Tolosaldeako biztanle guztiei, eman diguten babesagatik eta gure mobilizazioen aurrean izan duten jarreragatik. Biztanleak kontziente baitira egoera honen erantzule Eusko Jaurlaritza eta Asuncion klinikako zuzendaritza direla.

Asuncioneko langileok 2017ko abendua eta 2018ko urtarrila bitartean 4 eguneko greba aurrera eramatea erabaki genuen. Mobilizazioak bultzatuta enpresak negoziatzera deitu gintuen, baina beren proposamena gure errebindikazioetatik oso urrun dago, beraz gure exijentziei erantzun gabe jarraitzen dute.

Asuncion klinikako langileok 2011. urtetik ez dugu inongo soldata igoerarik izan, ondorioz eroste ahalmenaren galera geroz eta handiagoa da. Gure urteko lan jarduna administrazio publiko langileek duten lan jardunetik oso urrun dago, eta 2010. urtetik ez du inongo murrizketarik izan, pertsonal falta eta kontratazioen irregulartasuna eta lan kargen handitzea eguneroko errealitatea dira azken urte hauetan. Zuzendaritza honek osasuna negozio bilakatu du eta Eusko Jaurlaritzako Osasun Saila honen konplizea izan da, ez baitzaizkie batere inporta ez Tolosaldeko 65,000 biztanleak eta ezta ere Invizako langileak.

Honez gain, errealitatea gezurrekin estaltzen dute, traumatologiako trasladoak pazienteen onuragatik egiten direla esanez eta profesional faltaren arazoa dela ezkutatuz. Errealitatea ordea hau da, klinikako profesionalak joaten ari direla dituzten lan baldintza txarren ondorioz. Honek Tolosaldeko 65.000 biztanleren arreta zerbitzuan eragin larria du.

Egoera honen ondorioa azken urte hauetan jasaten ari garen prekarizazio sistematikoaren ondorioa da. Eta honen arduradun zuzenak PNV buru duen Eusko Jaurlaritza eta Montoya Jauna dira. Beraz, Eusko Jaurlaritzako Osasun Saileko Sailburua den Jon Darponi, gurekin biltzeko eskatzen diogu, Asuncionekin gertatzen ari dena azaldu diezagun.

Tolosaldeako osasun zerbitzuak zergatik da gainontzeko eskualdeetako osasun zerbitzua baino prekarioagoa, baliabideak daudenean? Asuncion Klinikak urtean 20 milioi euro jasotzen baditu diru publikotik, Tolosaldeko osasun publikoaren gestiorako.

Azkenik, mobilizatzen jarraituko dugula jakinarazi nahi dugu, Eusko Jaurlaritzak eta Asuncioneko zuzendaritzak gure eskualdean eragin duen arazoa sakonetik konpondu arte.

 

 

 

AZKEN ALBISTEAK | ÚLTIMAS NOTICIAS

Espainiar Estatuko langile publikoentzako soldata igoera inposatua da eta erosahalmenaren galeran sakontzen du Hego Euskal Herriko langileentzat

LABen ez dugu ontzat ematen bihar Espainiako Gobernuko Ministro Kontseiluak Estatu osoko langile publikoentzako (*) onartuko duen %2ko igoera gehi %0.5eko baldintzatutako gehigarria.

Zumarragako posta zerbitzuaren egoera onartezina da

Plantillari dagokionez, lanpostu huts ugari daude; adibide gisa, goizeko txandako langileen egoera; izan ere, egun batzuetan 5 pertsona baino ez daude bete beharreko 13 lanpostutarako, hau da, % 62 ez da betetzen. Zoritxarrez, egoera hori oso ohikoa da lantoki honetan. Plantillak hainbat elkarretaratze egin ditu langile-falta salatzeko, baina arazoa ez da hobetzen hauteskunde-aldiaren ondoren, eta enpresak ez du inolako asmorik kontrataziorik egiteko. Uztailaren 7an oporraldian sartuko gara eta oporretara joango diren langileak inork ez dituela ordezkatuko aurreikusten da.

Nafarroako Zurgintzako hitzarmena sinatu dugu, eskubideetan aurrerapenak baititu eta erosteko ahalmenari eusten baitio

Gaur goizean LAB sindikatuak Zurgintza sektoreko Nafarroako hitzarmena sinatu du, 2023 eta 2025 urte bitarteko indarraldia izanen duena. Hitzarmen honek eskubideak handituko ditue eta langileen erosteko ahalmenari eutsiko dio; nahiz eta negoziazioak iraun bitartean patronala behin eta berriz saiatu den lan baldintzak okerragotzen praktiketako kontratuen soldatak txarragotzeko edo soldata igoera KPItik aldentzeko bezalako neurriekin.