Datorren astelehenean, abenduaren 30erako, LABek grebaren bigarren eguna deitu du, eta horrela jarraituko dugu gure hitzarmen kolektiboan hitzartutakoa berrezarri arte.

Bilboko portu eta itsasadarreko pilotuen korporazioaren aginduz ontziratzen diren beharginok batzartu ginen abenduaren 16an, enpresaren lokaletan. Enpresaren zuzendaritzak, bidegabe, soldata izoztu behar dizkigula erabaki ostean, aldez aurretik, hitzarmena 2021eko abenduaren 31 arte indarrean egongo zela sinatu bazen ere, aipatu batzarrak erabaki du ondorengo greba-egunak deituko dituela:

-Hilak 26, eguena, 09:00etan hasita, hilaren 28 arte, larunbata, 09:00ak arte.
-Hilak 30, astelehena, 09:00etan hasita, urtarrilaren bata arte, asteazkena, 10:00ak arte.

Portuko pilotuen zuzendaritzak izan dezakeen ezinegona uler badezakegu ere, Bilboko portuaren agintaritzak, azken 6 urtean, itsas zerbitzu teknikoen tarifak eguneratu ez dituelako, ez dugu inondik inora onartzen portuko agintaritzarekin izan dezaketen norgehiagokaren ondorioak beharginok ordaindu behar izatea.

Gure soldatak bere horretan irauteko agindua bertan behera geratuko ez den bitartean greba deialdiari eutsiko diogu; honen harira, sektoreko enpresak animatzen ditugu, lortzea horrenbeste kostatu zaizkigun eskubideak hortzez eta haginez babestera.

Gaurko grebako lehen egunean, esan dezakegu LABek deitutako grebaren parte hartzearen arrakasta erabatekoa izan dela. Grebarako eskubidea indargabetu eta indarrik gabe utzi nahi duten abusuzko gutxieneko zerbitzuak eskatzea.

Gure eskubideen defentsan atzera pausorik ere ez. Hori dela eta, datorren astelehenean, abenduaren 30erako, LABek grebaren bigarren eguna deitu du, eta horrela jarraituko dugu gure hitzarmen kolektiboan hitzartutakoa berrezarri arte.