Electroaceros S.A.ko (Metalaren sektoreko Iruñeko faktoria da, eta 40 bat langileri ditu) zuzendaritzaren utzikeria salatu nahi du LAB sindikatuak, azken urteotako enpresaren dinamika negatiboa konpontzeko utzikeria. Langileek gaur ordu erdiko elkarretaratzea egin dute lantegiaren atarian.
LABek behin eta berriz eskatu dio enpresako zuzendaritzari mahai baten inguruan esertzeko, haiekin batera enpresaren egoera aztertzeko eta dauden aukera guztiak ikusteko konpromisoa. Ildo horretan, enpresaren etorkizunerako duen bideragarritasun-plana ezagutaraztea eskatu izan diogu enpresari, ekarpenak egin ahal izateko.
Baina gure eskaera onartu beharrean, enpresak hainbat erasorekin erantzun du. 2020ko uztailean, kontsultaldia amaitu aurretik erretiratu zuten ABEEE Aldi Baterako Enplegu Erregulazio Espediente ekonomikoa aplikatzen saiatu ziren, eta 2021eko martxoan funtsezko aldaketa bat egiteko mehatxua egin zuten, langileen soldata izugarri okertzen zuena. Aldaketa hori plantillaren batasun eta mobilizazioari esker gelditu zen.
Nahiz eta ontzat jotzen dugun ez dela aplikatuko ez ABEEErik ez funtsezko aldaketarik, egoera ez da aldatu, eta egoera horri gehitu behar zaio 2021 osoan enpresak daraman plantillari nominak ordaintzeko atzerapena. Beste behin ere, LAB sindikatutik eskatzen dugu enpresak bideragarritasun-plana aurkezteko eta gurekin negoziatzeko, Electroaceros S.A. enpresako lanpostuen etorkizuna ziurtatze aldera.