2024-03-28
HomeErrepresioaBBVAko langileek Txente Askasibar euren lankidea berehala askatzea eskatu dute

BBVAko langileek Txente Askasibar euren lankidea berehala askatzea eskatu dute

Kontzentrazioa egin dute gaur Bilbon, BBVAren egoitzaren aurrean Topaseko kartzelan preso dagoen Askasibarrek bizi duen egoeraren inguruan informatuz.

BBVAko LABen atal sindikalaren irakurketa
TXENTE ASKASIBAR ASKATU!

Txente Askasibar, BBVAko lankide jubilatuak, 18/98 sumarioan epaitua izan zen eta 8 urte eta erdiko kartzela zigorra jasan zuen bere jarduera politikoagatik. Txentek 71 urte bete ditu, eta adin honekin Salamancako Topas kartzelan preso dago.

Bere militantzia politikoagatik kartzelan zazpi urte baino gehiago eman ostean, etxetik urrun gainera, uz dute ez begirune ez errukirik bere adinarengatik, eta kartzelan jarraitzen du zigor osoa betetzen inolako errebisio barik. Halaber, bere emazte, semeak eta senide zein lagunak ere kondenatu dituzte, astero astero 800 kilometro baino gehiago egin behar baitituzte Txente ikusteko, horrek dakarren gastu ekonomiko zein arrisku fisikoaz.

Espainiako PPren gobernuak itus eta gor jarraitzen du, eta gatazka politikoaaren zauria sendatu baino zornea dariola mantendu nahi dutela ematen du. Txente, eta bera bezala hainbat preso politikok (gaixo daudenak, zigorraren 3/4a beteta dutenak, adinez nagusiak direnak…) kalean egon behar ziren jadanik, gobernuak egungo legedia beteko balu.

BBVAko lankideeok Txente berehala askatzea eskatzen dugu, bere atxiloketa inoiz gertatu behar ez bazen ere, are ankerragoa baita oraindik gartzelan mantentzea.
 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.