2023-12-02
HomeEkintza SozialaPolitika publikoakBanka eta Kutxek hartutako erabakia askorentzat beranduegi datorren neurria dela salatzen du...

Banka eta Kutxek hartutako erabakia askorentzat beranduegi datorren neurria dela salatzen du LABek

Etxebizitza kaleratzeak momentuz gelditzea, hainbat pertsonen egoera larria momentuz hobetuko duen neurria da. Baina beste askorentzat beranduegi datorren neurria dela salatu eta gogoratu behar dugu. 

Zoritxarrez marketing operaziotik gehiegi daukan erabaki honek ez du inondik inora arazoa konpontzen, batetik aldi baterako izaera baitauka, eta beraz, ez dakigu zer gertatuko den suspentsio hau bertan behera geratzean. Bestetik, espekulazioan oinarritu den sistema honek eta bankuen diru goseak sortu dituen egoera larri hauek, alegia desjabetzek, ardura guztia hipoteka ordaindu behar duten pertsonen gain jartzen jarraitzen dute. Bankaren sektoreak —zeinak egungo sistema publikoa hipotekatu duen— diru publikoa erruz jaso duen arren, ez du inongo ardurarik hartu bere gain, eta eremu politikoak ere ez dio halako beharrik ezarri.

Azkenik desjabetzeak etxebizitza arazoaren parte direla gogoratu nahi dugu, etxebizitza eskubidea bermatu ahal izateko egiturazko neurriak hartu behar dira, etxebizitza ezin da ondasun espekulatibo bat izan, sektore publikotik pertsona guztien etxebizitza eskubidea bermatu beharra da.

AZKEN ALBISTEAK | ÚLTIMAS NOTICIAS

Prozesu historiko baten emaitza izan den atzoko egunaren arrakastaren ondoren, erantzukizunen ordua heldu da: zaintza sistema publikoa, orain!

Atzoko Greba Feminista Orokorraren ondoren, agerraldi bana egin dugu Gasteizen (EAEko Lehendakaritzan) eta Iruñean (Nafarroako Gobernuan), atzoko egunaren balorazioa egin eta hemendik aurrerako bidearen berri emateko. Zaintzaren inguruko Herri Akordioa lantzeko bidean, bilera bana eskatu diegu Hego Euskal Herriko instituzio nagusiei.

GREBA FEMINISTA OROKORRA HERRIZ-HERRI

Greba Feminista Orokorrean egindako ekimen ezberdinen argazki galeria herriz-herri.

Zaintzaren iraultza martxan da

“Zorionak Euskal Herria!” hitz horiexekin hasi dute mugimendu feministako ordezkariek hainbat eta hainbat hiri eta herritan arratsaldean egin diren mobilizazioen osteko manifestua. Goizean goizetik jo eta sua aritu dira milaka grebalari lurralde osoan barrena, zaintza sistema publiko komunitarioa aldarri eta kaleak astintzen. Oraindik amaitu ez den prozesu baten mugarri historikoa izan da gaurkoa.