Zerbitzuguneetako sektoreko hitzarmenean bi urte eta erdi baino gehiagoan negoziatu ondoren, gaur, 2022ko uztailaren 29an, LAB sindikatuak aurreakordioa lortu du hitzarmen kolektiboa berritzeko eta edukia honako hau da:

• Indarraldia: 2020-2024, ultraktibitate mugagabearekin.

• KPIaren soldata-igoerak indarraldiko urte guztietarako.

• Ordaindutako lizentziak eguneratzea.

• Berdintasun-plana.

Irailean, hitzarmenaren sinadurarekin batera berretsiko den aurreakordio honek, 2020 urtetik aurrerako erosahalmena berreskuratzea ahalbidetuko die sektoreko langileei, eta 2024 urtera arte luza dezaten bermatuko du.

Izurritearen garaian funtsezko sektore izendatu zuten sektore honetan lortutako aurreakordioa oso positibotzat jotzen du LABek, prekaritatearen aurkako borrokan aurrerapauso nabarmena dela iritzi baitio.

LABek borrokan jarraituko du etorkizun hurbilean aurreakordio honetan adostu ezin izan ditugun baina konpromisoarekin, antolaketarekin eta borrokarekin lortuko ditugun sektoreko langileen aldarrikapenak lortzeko.