2025-04-19
HomeZerbitzu PribatuakGasolindegiakAurreakordioa Bizkaiko Gasolindegietan

Aurreakordioa Bizkaiko Gasolindegietan

47 greba egun eta gero, Bizkaiko Gasolindegietan herrialdeko hitzarmena bermatzen eta Rajoyren lan erreformari aurre egiten dion aurrekordioa lortu da. LABek langile guztiak zoriondu ditu hitzarmen duin eta justu baten alde egindako borrokagatik.

LAB sindikatuaren balorazioa

Aurreakordioa Bizkaiko Gasolindegietan

«Gure hitzarmenaren alde 47 egun greban eman eta gero, arro esan dezakegu lortu dugula Bizkaiko Gasolidegietako herrialdeko hitzarmena, eta horrekin, aurre egin diogula Rajoyren lan erreforma latzgarriari. 

LABetik positiboki baloratzen dugu hitzarmena mantentzeko eginiko ahalegin handia; ezin ditugu ahaztu negoziazioek iraundako bi urteotan izandako zailtasusunak, besteak beste, tartean Lan Erreforma iritsi zitzaigulako, eta erreforma eskutan, patronala are indartsuago sentitu zelako, eta horrekin, langileoi dena kentzeko bere asmoak indartsuago egin zirelako. Dena dela, beste behin ere, gure lanpostuen alde borroka egin izanak ageriko emaitza utzi digu, borroka horri lortu dugu, azkenean, geure hitzarmena.

CEBEKek izan duen jarrera itxia salatu nahi dugu, aipatu aurreakordioa sinatzeari ezezkoa eman zion eta horretan mantendu da, irmoki lan erreformaren alde egiten zuen bitartean.

LABetik langile guztiak zoriondu nahi ditugu, 47 egunotan borrokan aritu diren guztiak, astelehenetik igandera greban egon direnak, hitzarmen duin eta justu baten alde. Amaitzeko, gogoratu oraindik bide luzea dugula egiteko; lortuko dugu, geure borrokarekin, aurrera egitea.» 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Enviserreko langileek greba gogortu dute, protestaren hirugarren astean

Hiriko parkeak, lorategiak eta eraztun berdea mantentzeko Gasteizko Udalaren kontrata den Enviser enpresako langileek hiru aste bete dituzte greban. Baldintza duinak jasoko dituen hitzarmen propio bat lortzea da beren helburua. Hainbat langilek Gasteizko udaletxearen aurrean pasa dute gaua, azken honen inplikazioa eskatzeko.

LABek ontzat jo du Iruñeko Udalaren eta alokairuzko bizikleten enpresaren artean sinaturiko akordioari esker langileei zor zitzaizkien soldatak ordaintzea

LAB sindikatuak duela bi aste salatu zuen Ride On Pamplona Iruñeko alokairuko bizikleta elektrikoen zerbitzuko langileak egoera larrian zeudela, sei hilabete baitzeramatzaten nominak berandu kobratzen eta, gainera, enpresak bi nomina oso zor baitzizkien. Iruñeko Udalak eta Ride On-ek gaur iragarri duten akordioaren arabera badirudi zerbitzuaren jarraipena bermatuko dutela eta enpresak berehala kitatuko dituela langileekin dituen zorrak.

LABek salatzen du milaka gutun banatu gabe daudela Gasteizen Correoseko langile faltagatik

Langilerik ez kontratatzearen ondorioz, kaosa sortu da azken hilabeteetan posta-banaketan, eta inoiz ikusi gabeko egoetara iristen ari da. Kontratazioan murrizketa hain handia da, kasu askotan ez dela inor ordezkatzen ari. Adibidez, Alde Zaharreko postariak urte erdi baino gehiago darama bajan, ordezkatu gabe.