2024-04-20
HomeZerbitzu PribatuakElikagaigintzaHuerta de Peraltako borrokaren inguruko Hokoke dokumentala aurkeztuko dugu Katalunian, asteburu honetan

Huerta de Peraltako borrokaren inguruko Hokoke dokumentala aurkeztuko dugu Katalunian, asteburu honetan

Ostiralean eta larunbatean Bartzelonan eta Vic herrian proiektatuko dugu dokumentala, hurrenez hurren.

Asteburu honetan, LAB sindikatuaren ordezkaritza bat Katalunian Huerta de Peraltako borrokaren Hokoke dokumentala aurkezten egongo da. Konkretuki, ostiral eta larunbaterako bi aurkezpen antolatu ditugu Katalunian borroka sindikal honen berri izan dezaten.

Lehenengo aurkezpena Bartzelonako Euskal Etxean izango da ostiral honetan, urriak 11, arratsaldeko 20:30ean. Hitzaldi edo aurkezpen hau Bartzelonako Euskal Etxearekin batera antolatu dugu eta Kataluniako sindikatu ezberdinek parte hartuko dute. Bartzelonako aurkezpen eta hitzaldia CUP parlamentaria den Vidal Aragonesek aurkeztuko du eta, LABeko kide den Rosalia Bonaren parte hartzeaz gain, Huerta de Peraltan egondako Kataluniako sindikalista baten testigantza emango da.

Hurrengo egunarekin, larunbatean, urriaren 12an, arratsaldeko 19:00etan, Vic-eko Kasinoan egingo da dokumentalaren aurkezpena. Vic-eko hitzaldian, LABeko kide Rosaliaz Bonaz gain, COS sindikatuko kide eta Càrnies en Lluitako Montse Castañék parte hartuko du. Gogoratu haragi industria lantegietan ere langile etorkinek lan baldintza prekario eta bortitzak jasan behar dituztela eta prekarietateaz gain arrazismoa eta xenofobia oso presente dauden errealitateak direla. Horregatik, Huerta de Peraltako eta haragi industriako langileen errealitateen inguruko hitzaldi bat prestatu dugu, langile etorkinek dauzkaten lan baldintza prekarioen berri emateko.

 

 

 

AZKEN ALBISTEAK | ÚLTIMAS NOTICIAS

LABek ez du sinatu EAEko anbulantzietako aurreakordioa, hilabete luzetako borrokan planteatutako gutxieneko hobekuntzak ez baititu jasotzen

Anbulantzietako langileentzat Osakidetzako lankideekiko homologazioa eta soldataz haragoko bestelako hobekuntzak alde batera utzi dituzte azken asteetan LABi bizkar emanda aritu diren ELA, CCOO eta UGTk. LABek ez du sinatu aurreakordioa.

Patronalaren eta instituzioen utzikeriak dirauen bitartean prekaritateak hiltzen jarraitzen duela salatu dugu Gasteizen

Iragan asteburuan bi Euskal langileren heriotzen berri izan dugu, garraiolari bat Lleidan eta langile autonomo batena, Gasteizen. Gure elkartasuna eta besarkada beroena hurbilekoei.

Euskal Herriko Pentsiodunen Mugimenduak iragarritako Herri Ekimen Legegileari babesa adierazi dio LABek, gutxieneko pentsioak 1080 eurotara premiaz osagarritu daitezen

Atzo, apirilak 19, milaka euskal pentsiodun atera ziren kalera. Gasteizen egindako mobilizazioan, 1080 eurotako gutxieneko pentsioa behingoz berma dadin 170 udaletan baino gehiagotan aurkeztutako mozioak izan zituzten hizpide, baita horren segida izango den lantzen dabiltzan Legez besteko Proposamena ere. LABek mugimenduaren aldarriekin bat egiten du eta ekimen berri hau babesten duela adierazi du.