Asteasun Siemens-Gamesek duen lantegian greba egingo dute langileek bajan egoteagatik egindako kaleratze baten kontra, LABek eta ELAk deituta. Udan izan zen kaleratzea. Greba irailaren 24an hasiko da, igande honetan, eta urriaren 1era arte luzatuko da.
Joan den irailaren 14an LAB eta ELAk osatutako enpresa-batzrodeak asanblada egin zuen kaleratutako langilea berriro lanera bueltatzeko helburuarekin mobilizazioak proposatzeko. Asanbladak irailaren 24tik urriaren 1era greba egitea erabaki zuen.
Batzordearen iritziz onartezina da enpresak modu arbitrarioan langileak kaleratzea eta garrantzitsua da mobilizatzea, ez soilik kaleratze zehatz honen aurka, baita lantegiko enplegua bermatzeko helburuarekin ere.