Euskal Herriko herri ezberdinetan asanblada eta elkarretaratzeak egin ziren atzo Arkaitz Bellonen heriotza salatu eta espetxe politikari honi ezetza emateko. Gaur eguerdiko 12:00etan elkarretaratzeak daude deituta Donostia, Bilbo, Gasteiz eta Iruñeako udalen aurrean.
Sortu, EA, Alternatiba, Gazte Abertzaleak, LAB, EHNE-Bizkaia, ESK, STEE-EILAS, Egiari Zor, Goldatu, Bai Euskal Herriari, Ikasle Abertzaleak, Ernai, Komite Internazionalistak eta Eskubideak deituta Euskal Herriko herri ezberdinetan asanblasa eta elkarretaratzeak burutu ziren atzo Arkaitz Bellonen heriotza eta egungo espetxe politika eta sakabanaketa salatzeko. Gaur eguerdiko 12:00etan elkarretaratzeak deitu dituzte Donostiako Alderdi Ederren, Bilboko Udaletxean, Iruñeako Udal Plazan eta Gasteizko Virgen Blanca Plazan.
LABetik euskal langileoi bereziki eta jendarteari orohar Bellonen heriotza ekarri duen espetxe politika ankerra salatu eta dispertsioaren aurka kalera ateratzeko deia luzatzen diogu, sufrimenduaren soka luze honekin lehenbailehen amaitzeko.