2024-02-21
HomeEkintza SindikalaArtabiako Arneactive enpresako langileek lau orduko lanuztea eginen dute lan baldintzak hobetzearen...

Artabiako Arneactive enpresako langileek lau orduko lanuztea eginen dute lan baldintzak hobetzearen alde

Artabiako (Nafarroa Garaia) Arneactive enpresako langileek bihar, asteazkena, azaroak 29, lau orduko lan-uztea eginen dute, 12:00etatik 16:00etara, KPIaren araberako soldata-igoerak eskatzeko, kategoria hobetzeko aukera errealak eskatzeko eta plantillaren iritzia kontuan har dezaten eskatzeko.

Arneactive enpresak hamarkadak daramatza mota guztietako oihalak prestatzen, tindatzen eta zentrifugatzen, eta azken urteotan hainbat enpresa egoera eta eskuetatik iragan da. 2020an, lantegia Arneplant-en jabetzakoa izatera pasatu zen, oinetakoetarako plantilletan aritzen diren Errioxako (Espainia) enpresa handienetako baten jabetzakoa. 2023an zehar, Artabiako plantillak enpresako zuzendaritzari proposatu izan dio lan, gizarte eta ekonomia baldintzak negoziatzeko beharra, baina enpresak horri uko egin dio etengabe.

Eguneroko bizitzaren kostua izugarri handituta, etorkizunari baikortasunez begiratzea galarazten duen testuinguru honetan, Arneactiveko langileei enpresari aurre egin eta beren lanarekin sortzen dituzten etekinen zati bat aldarrikatzea bertzerik ez zaie gelditu. Erran beharra dago enpresak Ehungintzako hitzarmena duela, oso hitzarmen baxua, 1.000 € inguruko soldatak dituena eta hobetzeko aukerarik ez duena. Hori dela eta, Arneactiven lan egiten duten gazte anitzek alde egiten du; hori oso kezkagarria da eta enpresak kontuan hartu beharko luke.

Arneactiveko langileen aldarrikapenak oinarrizkoak eta bidezkoak dira. Artabian hiru zutabetan oinarritutako lan baldintzak negoziatu nahi dituzte:

1. Egungo egoeraren araberako soldata igoerak, KPIarekin lotura dutenak.

2. Kategoria hobetzeko aukera erreala, aldebakarreko erabakietan oinarrituta ez dagoena.

3. Plantillaren iritzia kontuan hartzea, enpresa gehien eta hobekien ezagutzen duena baita.


Hori dela eta, bihar lehen pausoa emanen dute, lau orduko lanuztearekin. Aurrerago, agian, mobilizazioekin jarraituko dute, baldin eta enpresak negoziatzeari uko egiten jarraitzen badu.

AZKEN ALBISTEAK | ÚLTIMAS NOTICIAS

Arabako CEAReko langileek esku hartze sozialeko herrialdeko hitzarmena aplika diezaietela eskatu dute

Arabako CEAReko langileek 3 orduko lanuztea eta mobilizazioa egin dituzte Gasteizko egoitzaren aurrean, erakundeak behin eta berriz uko egin baitio 2023ko maiatzean onartu zen Arabako Esku-hartze Sozialerako III. Hitzarmenaren aplikazioari buruz hitz egiteari.

LABek ere parte hartuko Gernika Palestina deialdi herritarraren elkartasun aktiboko kanpainan

Gernika Palestina deialdi herritarrak martxan jarri du elkartasun aktiboko kanpaina, Palestinak Israelen aldetik bizi duen eraso larriaren aurrean. Helburu hirukoitza dauka kanpainak: Netanyahu nazioarteko epaileen aurrera eramatea, Gazan elkartasun proiektuak bultzatzea eta Palestina leku guztietan ikustaraztea.

EAEko sektore publikoan euskararen erabilera normalizatzeko Eusko Jaurlaritzak onartuko duen dekretua administrazioaren euskalduntzean jauzi egiteko aukera galdua da

Eusko Jaurlaritzak onartuko duen Sektore Publikoan Euskararen Erabilera Normalizatzeko Dekretua-ren balorazio kritikoa egiten du LABek. Aurreko dekretuarekiko aurrerapauso batzuk dakartzan arren, guztiz ez-nahikoa da. Finean, dekretua berritzeko prozesu hau aukera galdua da benetan EAEko administrazioaren euskalduntzean jauzi egiteko. Batetik, euskararen normalizazio-prozesuak egun dituen aldeko baldintzak ez dituelako baliatzen; bestetik, prozesu horrek une honetan eta epe motz batean dituen beharrei eta izango dituen erronkei ez dielako erantzuten.