Arrasateko lorezaintza zerbitzua PREZERO enpresak kudeatzen du. Azpikontratatutako zerbitzua izanda, langileei hitzarmen estatala aplikatzen zaie eta bertan ez da KPIaren igoerarik aipatzen.
Badira 15 urte baino gehiago Udalak ez duela lorezaintza zerbitzuan berrikuspen ekonomikorik egin eta langileak igoerarik gabe egon dira urte hauetan. Duela hilabete batzuk Udalarekin bildu ginen egoera hau aldatu eta enpresei egiten zaien eskaintza ekonomikoa handitu dezaten eskatzeko. Langileei soldata duinak bermatzeko. Baina enpresak ez du KPIaren igoera aplikatzerik nahi.
Arrasaten bizi eta lan egiten duten langile hauek egunero jasaten dute prezioen igoera etengabea, bizitzaren garestitzea eta azken nean, beraien eros ahalmena mantentzeko zailtasunak.
Beraz, uztailaren 18tik aurrera grebara goaz. Gure eskubideen defentsan, lan baldintza duinak eskatzen ditugu!
Uztailaren 19an, asteartea, kontzentrazioa 17:30ean Arrasateko Herriko plazan.