Eibarreko Sozialeko 1. Epaitegiak eman berri duen ebazpenean ontzat eman ditu Arcelor MIttal Zumarraga enpresatik Asturiasera derrigortuta lanera joango diren langileen lan baldintzak aldatzea, Asturiaseko langileen lan baldintzak ezarriz.

LABek ez du inolaz ere bat egiten epaiarekin, eta Arcelor Mittal Zumarraga enpresaren itxierak suposatu duen injustiziari zigor erantsi bat gehiago suposatzen du langileentzat. Lantokia isteko arrazoirik ez zegoen, orain Arcelor Mittalek berak publikoki onartu du sektorearen egoeraren hobekuntza nabarmena.

Asturiasera bidalitako langileen lan baldintzak aldatzeko inolako argudiorik ez ziguten prozesu osoan zehar eman, eta horretaz, LABek epai honi helegitea aurkeztuko dio, prozedura bera bertan behera gera dadin.