Beste eraso honen aurrean, atzo Orkoiengo enpresaren aurrean kontzentratu ziren langileak, enpresari argi eta garbi adierazteko aurrez aurre duen plantillak borrokaren bitartez lortu dituela dagozkion eskubideak eta plantilla horrek ez diola utziko langile bat ere kaleratzen.
Aniser-Euroestampaciones enpresako langileek lantokiaren kanpoaldean elkarretaratzea egin zuten atzo, asteartearekin, salatzeko pairatu behar izan dituzten azken bi kaleratzeak.
Langileek urtebetean erakutsitako kostantzia eta indarrarekin, hitzarmen duin baten aldeko borrokaren ondorioz Nafarroako industria siderometalurgikoko hitzarmena aplikatzea lortu zuten, horrekin zuzenean beraien lan baldintzak hobetuz. Eta orain enpresak horrela erantzun du, kaleratzeekin. Aniser-Eurostampaciones-ek, beste behin ere, bere autoritarismoa erakutsiz eta gezurrak medio, arbitrarioki bi langile kaleratu baititu.