2025-05-16
HomeIndustriaMetalgintzaAlfako langileek manifestaziora deitu dute biharko Eibarren

Alfako langileek manifestaziora deitu dute biharko Eibarren

Alfa Precision Casting enpresako langileak borrokan dira, euren lan eskubideen defentsan. Hain zuzen ere, greba mugagabean daude eta, horren ondorioz, hainbat mobilizazio ari dira antolatzen. Bihar, abenduak 15, manifestazio batera deitu dute Eibarren. 19:00etan izango da, Untzaga plazatik abiatuta.

Mobilizazioak ez ezik, bilerak ere egin dituzte aste honetan. Greba komitea Eusko Jaurlaritzako Industria arloko arduradunekin bildu da, baita Eibarko Udaleko agintariekin ere. Euren eskaera eta konpromisoen berri eman diete bilera horietan:

• Taldea osatzen duten enpresa guztietan enplegua egonkortzeko eta hari eusteko konpromisoa.

• Jendea igortzekotan, ez dadila modu traumatiko batez egin, kalte-ordainak jaso ditzatela, enpresak egin duen proposamen bakarra hobetuz.

• Beharginek eta hauen senideek, Alfa taldeko enpresetan izan dezaketen etorkizunari buruzko informazio argia, erreala eta zehatza jaso behar dute. Hots, jazo daitezkeen likidazioei, enpresen salmentei, Enplegua Erregulatzeko Espedienteei, bategiteei, hauen jarraikortasun eta baldintzei… buruzko informazioa.

Egoeraren azterketa egin ostean, komiteak hainbat eskakizun egin ditu. Hauexek dira, esaterako, Eibarko Udalari eskatutakoak:

• Alfa Taldeko zuzendaritzaren, lehiaketako administratzaileen eta langileen ordezkarien artean bitartekari lanak egitea.

• Eusko Jaurlaritza eta Gipuzkoako Aldundiarekin batera pertsona edo lan -talde bat adostea inbertsore berriak topatzeko.

• Alfa Taldeko lurren bikarlifikaziorik ez egitea alderdi sozialarekin adostasunik ez badago.

Bestalde, manifestazioari babesa eskaini dioten eragileen artean Eibarko gazteria dago; Ernai, Eibarko Gaztetxia, Nalua talde feminista eta Jaixak Herrixak Herrixandako elkartea, tartean.


 

 

 

AZKEN ALBISTEAK | ÚLTIMAS NOTICIAS

LAB, ELA eta UGT sindikatuok EAEko langileon kolektibitateen hitzarmen propio baten alde mobilizatu gara

Pasa den martxoan LAB, ELA eta UGT sindikatuok mobilizazio prozesu bati ekin genion kolektibitateetako enpresei exijitzeko behingoz eser daitezela sektoreko langileentzat EAEn hitzarmen propioa...

LABek hezkuntza publikoan sinaturiko lan-hitzarmenek, langileon lan baldintzak hobetzeaz gain, kalitatean aurrerapauso handiak ekarriko dituzte

Hezkuntza publiko osoan 30.000 langile baino gehiagoren lan baldintzak hobetzeko, erabakigarria izan da LABen lana, bai akordio laboralean adostutako neurriak eremu bakoitzera eramaten, eta baita grebak eta mobilizazioak sustatzen ere.

LABek José Ignacio Murilloren zuzendaritza jo du Sunsundeguiren egoeraren errudun, eta gertatutakoa sakon ikertzeko eskatu du

LABeko Sunsundeguiko ordezkariek eta sindikatuko Sakanako arduradunak prentsaurrekoa eskaini dute gaur goizean Iruñean 338 pertsona kalean utziko dituen lantegiaren itxieragatik erantzukizunak eskatzeko.