2024-03-19
HomeIndustriaMetalgintzaMobilizazioekin jarraitzen dute Alfako langileek

Mobilizazioekin jarraitzen dute Alfako langileek

Abenduaren erdialdeaz geroztik, Alfako langileak greba mugagabe egoeran daude. Borrokan jarraitzeko asmoa dute, egoera konpondu ezean, eta horixe erakusten ari dira azken asteotan antolatutako mobilizazioekin; joan den ostiralean Eibarko Untzaga plazan egindako elkarretaratzearekin, kasu.

Mobilizazioekin bitartekaritza lan serio eta gardena egitea eskatu diote Eusko Jaurlaritzari. Izan ere, langileen ustez, erakunde publikoek paper aktiboagoa izan behar dute hemengo industriaren defentsan, azken hilabeteotan hainbat enpresa likidazio prozesu batera iritsi direla ikusita.
 

 

 

AZKEN ALBISTEAK | ÚLTIMAS NOTICIAS

Martxoaren 22an egingo da Gipuzkoako metalaren merkataritzaren hitzarmen kolektiboa berritzeko negoziaketa mahaia osatzeko bilera

Ostiral honetan, martxoaren 22an, Gipuzkoako metalaren merkataritzaren hitzarmen kolektiboa berritzeko negoziaketa mahaia osatzeko bilera egingo da. Hitzarmen honek 15 urte daramatza berritu gabe. LABen ideiak argi ditugu, ezinbestekoa da azken 15 urteetan sektoreko langileek galdutako eros ahalmena berreskuratzea eta lanaldia jaistea. Bi puntu hauek izango dira LABen helburu nagusiak.

Azkoitiko lan-zentroko ABEEEa bertan behera uzteko eskatu diogu Sidenorreko zuzendaritzari

Pasa den martxoaren 8an jakinarazi zigun Sidenor enpresako zuzendaritzak Azkoitiko eta Reinosako lan-zentroetan produkzio eta organizazio arrazoiengatiko Aldi Baterako Enplegu Erregulazio Espediente (ABEEE) bat martxan jartzeko asmoa zuela. Martxoaren 14an izan genuen negoziazio batzordea sortzeko eta dokumentazioa jasotzeko bilera.
00:02:19

Ezkerraldeko eta Meatzaldeko langileentzat lan eta bizi baldintza duinak aldarrikatu ditu LABek

Gaur, LABek deituta, ehunka lagunek Sestaoko kaleak hartuko dituzte, Ezkerraldeko eta Meatzaldeko langileentzat etorkizun duina aldarrikatzeko. Langileon lan eta bizi baldintzak borrokatzeko. Izan ere, bada denbora bat EAJk eta PSOEk Ezkerraldea zein Meatzaldea desindustrializatzeko estrategia martxan jarri zutela: ehun industriala suntsitu eta, trukean, zerbitzuen sektorea ezarri, logistikaren eta biltegiratzearen mesedetan.