Atzo osteguna, Miranda Fundazioko patronatokideek, aho batez, Ikastolen Elkartearekin negoziazioak bereskuratzea erabaki zuten. Denboraren premiak ez du errazten negoziazioaren normaltasuna, hurrengo urtarrilaren 30ean zabaltzen delako matrikulazio epea. LABek bat egin du asteburuko mobilizazioekin.

Ardura daukaten beste bi instituzioei, Hezkuntza Saila eta Barakaldoko Udalari, negoziazio prozesuan bitartekari izatea ere eskatzen diegu, akordioa posiblea izateko. Aldi berean, negoziazioak apurtuko balira, La Milagrosa ez ixteko egon daitezkeen aukerak guztiak aztertzea eskatzen diegu.

Horretaz gain, LABek bat egiten du langileek eta familiek antolatutako mobilizazioekin:
• 21, larunbata eta 22, igandean, manifestazioa 12:00etan Ikastetxetik abiatuta, Barakaldoko udaletxeraino.
• 23, astelehenean, 8:45ean eta 17:00etan, elkarretaratzeak ikastetxean.

Bide horretan, Barakaldoko herriari, Hezkuntza komunitate osoari eta sindikatuei mobilizazioetan parte hartzeko deia luzatzen diegu.