Irailaren 1ean greba mugagabe bati ekin zioten Emparkeko langileek agerraldia egingo dute gaur enpresarekin lortutako akordioaren berri emateko. Borroka luze baten ostean eta eskatzen zituzten lan baldintzen hobekuntzak lortuta, atzo hilak 20, lanera itzuli ziren greban zeuden Emparkeko 7 langileak.

Greba honen ostean irakurketa baikorra egin behar dugu langileek jarritako helburuak lortu baitira. Hain zuzen ere, momentuz %8,6ko soldata igoera hitzartu dute eta datorren urtean beste 1,5eko igoera izango dute. Horrez gain urtean 10 ordu gutxiago egingo dute lan. Langile hauek oso baldintza txarretan daude eta lortutako oso garrantzitsua. Hala ere, borroka hau ez dugu amaitutzat ematen, lan baldintzak hobetzeko lanean jarraituko dugu eta bide horretan zer esan handia du Udaletxeak.

Udaletxeak ardura zuzena du Donostiako parkingetan lan egiten dutenen baldintzetan eta ematen den zerbitzuan. Hala nola, Udaletxearen esku dago enpresak puntu zehatz batzuk errespetatzea. Administrazio kontratuetan azpikontrararik ez egotea, bezeroei arreta garaiz ematen zaiela bermatzea eta zerbitzua elebiduna (euskara – espainola) dela ziurtatzea Udaletxearen ardura da eta beraz, guzti hau betearaztea eskatzen diogu.