2024-04-16
HomeIpar HegoaEuskal Estatuari bidea zabaltzenAinhoa Etxaide:“Herri bezala jokatzeko garaia da, benetan herri bezala anbizio osoarekin Estatu...

Ainhoa Etxaide:“Herri bezala jokatzeko garaia da, benetan herri bezala anbizio osoarekin Estatu propio bat eratzearen alde egiteko”

Pasadan ostiralean, urriak 25, LABen Ipar Hegoa Fundazioak euskal estatuaren bideragarritasuna egiaztatzen duen liburu bildumaren gogoetak konpartitu eta sakontzeko azken mintegia egin zuen Durangon. Azken saio honetan Euskal Herriaren egungo erronka ekonomiko eta sozialen aurrean estatu bat izatearen garrantzia azpimarratu zen. Mintegiari Ainhoa Etxaide, LABeko idazkari nagusiak eman zion amaiera, sindikatuak ospatzen ez duen Gernikako Estatutuaren aurrean Euskal Herriak "gaur duen alternatibarik emankorrena, alternatibarik sendoena eta eraginkorrena Euskal Estatua" dela adierazi zuelarik. 

Etxaidek Ipar Hegoak argitaratutako lanarekin "Euskal Estatu bat sortzea guztiz bideragarria dela" argi eta garbi geratu dela adierazi zuen, "horren aldeko apustua eginez gero baditugu baliabide ekonomikoak, baditugu baliabide instituzional politikoak". Honekin batera "Euskal Estatu bat sortzea ez dela afera ekonomiko bat, hautu politiko bat da eta borondate politiko kontua" dela azpimarratu zuen; "Borondate politikorik bada bideak zabalduko dizkiogu, ateak zabalduko dizkiogu eta herri honetan gehiengo batek instituzioetatik, eremu sozialetik, sindikalgintzatik bide hori hartuz gero, ez dago horren kontra bide hori zapuztu dezakeenik" . Bide honetan gaur eztabaidatzen ari dena "proiektua nola zabaldu, nola ekarri jende gehiago Euskal Estatua osatzen den proiektura, zeintzuk dira proiektu honen indarguneak, zeintzuk ahuleziak, eta batez ere, ze agenda eduki dezakegu guztion artean proiektu honen norabidean urratsak emateko" dela azaldu zuen.

Gernikako Estatutoa hizpide, LABeko idazkari nagusiak "Estatutuaren egunean ez dugula ezer ospatzeko" argi geratu dela adierazi zuen, "Estatutuaren alde egin zutenentzat ere Estatutua txiki" geratu dela gaineratuz. Honen aurrean aldarrikatu zuen badela garaia "benetan herri bezala jokatzeko, benetan herri bezala anbizio osoarekin Estatu propio bat eratzearen alde egiteko" . Etxaidek adiezai bezala garrantzitsuena guk geure ekimenez bide propio bat egitea da, "hori delako Euskal Herriak bizi duen egoera larriak daukan alternatiba eraginkorrena.” 

LAB sarean
{module[111]}

       

AZKEN ALBISTEAK | ÚLTIMAS NOTICIAS

Mobilizazioekin hasi gara Aulasa enpresan, hitzarmen duin baten alde

Oletako metalgintza lantegiko beharginek duela ia urte erdi abiatu zituzten negoziazioak erabat blokeatuta dauzka enpresak.

Correos kondenatu dute langile bati kalte moralak egiteagatik #LortuDugu

Gasteizko Lan Arloko 3. zenbakiko Epaitegiak 1.500 euro ordaintzera kondenatu du Sociedad Estatal Correos y Telégrafos SA. Lehen aldiz kondenatu dute enpresa hau kalte moralengatik, langile bati ospitaleratzerik gabeko ebakuntza kirurgikoagatiko baimena ukatzeagatik.

Gautenaren Urdinduz Martxa Solidarioarekin bat egin genuen atzo, hitzarmen duinaren garrantzia nabarmenduz

Apirilaren 14an, Gautenako komunitateak Autismoaren Espektroaren Nahasmendua (TEA) kontzientziatzeko eta ikusarazteko martxa solidarioa egin zuen, Urdinduz. Jai giroan, Gautenako langileen batzordeak bat egin zuen ekimen horrekin.