2025-05-22
HomeEkintza SindikalaAiaraldeak PLANTO egin eta alternatibak badirela aldarrikatzen du

Aiaraldeak PLANTO egin eta alternatibak badirela aldarrikatzen du

Langabezia eta lan gatazka ezberdinak, Hezkuntza, gazteen egoera, Etxebizitza eta Komertzio txikiak abiapuntu hartuta  Aiaraldeko plataformak kanpaina informatiboa jarri dute martxan eskualdeko egoera kezkagarria salatzu eta alternatibak badirela aldarrikatzeko. Otsailaren 22an Eskualdeko Manifestazioa deitu dute "Aiaraldeak plantoa nahi du. La comarca se plata" lelopean.

Askapena, ELA, Amurrio, Laudio, Urduña eta Orozkoko Gazte Asanbladak, Gazte Independentistak, Hauspoa, Ikasle Abertzaleak, LAB, STEE EILAS eta Stop Deshaucios Aiarak osatzen duten Aiaraldeko Plataformak, otsailaren 8tik 22ra, kontzientziazio eta informazio dinamikak eramango ditu aurrera esparru ezberdinetan (enpresak, ikastetxeak, kalea……). Otsailaren 22an, arratsaldeko 20:00etan Lamuza plazatik irtengo den Eskualdeko Manifestazioak emango dio amaiera kanpainari.

Guzti honekin Aiaraldeak egungo politiken aurrean PLANTO egiten duela irudikatu nahi dute, instituzio ezberdinei egoera eta gizartea aldatzeko alternatibak badaudela eta aurrera eraman daitezkeela esanez.

Plataformak deialdi honetara atxikimenduak jasotzeko gonbitea luzatzen die enpresa batzorde edo ordezkariei, gurasoen elkarteei eta irakurketa konpartitzen duten eragileei guztiei. 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

67 urte betetzear zituen garraiolari bat hil da Irunen

LABek jakin duenez, herenegun, goizaldeko 6:30ean, TRANSDIPE S.L. enpresako S.S. garraiolaria hilik agertu zen Irunen, lanerako prestatzen ari zen kamioiaren aldamenean. Kamioia martxan zegoen, atea irekita eta zantzu guztien arabera, heriotza ez traumatiko baten aurrean gaude. Azken honekin, gutxienez 20 langile hil dira urte hasieratik Euskal Herrian, hauetariko 9 garraiolariak.

Pribatizatutako zaintzako langileak mobilizazio nazionalera deitu ditu LABek, haien izaera publikoa aldarrikatzeko

Langile horiek zerbitzu publiko bat eskaintzen duten heinean, administrazioaren zuzeneko langile izan behar dutela defendatuko du LABek Donostian, eta, norabide horretan, lan baldintzen ekiparazioa aldarrikatuko du.

LABek CENi exijitu dio bertan behera utz dezan lan osasunaren prebentzioaren ardura langileei egozten dien kanpaina, diru publikoarekin ordaindu dutena

LAB sindikatuak arriskutsutzat, iraingarritzat eta mingarritzat jo du CENeko enpresariek diru publikoa erabiltzea (60.000 euro) modu seguruan lan egitea langilearen esku dagoela sinetsarazi nahi duten ideiak zabaltzen dituen kanpaina egiteko. Enpresarien kanpainak prebentzioaren berezko printzipioen aurka egiten du, eta enpresariek arlo horretan dituzten legezko betebeharrak hankaz gora jartzen ditu. Nafarroako lan heriotzen agertoki tragiko honetan, prebentzio legea ez betetzeko orduan erakusten duen lotsagabekeriaren bertze erakusgarri bat da kanpaina.