Aguraingo DHL Euskal Log enpresako langileak konzentrazioa burutu zuten pasadan asteazkenean enpresaren aurrean, lankide baten kaleratzea salatzeko. LABetik, kaleratze hau orain arte eman diren sindikatu honetako afiliatu eta lagunen kaleratze bat gehiago dela salatu du.

2002 urtetik hona, etengabeko tanta-jarioa izan da, LABeko ordezkaritzak enpresako lehenengo akordioa lortu zuenean hasi zena. Akordio horrekin, langileen baldintzak hobetu ziren eta enpresak akordioa sinatu arren, ez zien garai hartako LABeko 5 ordezkariei inoiz barkatu eta ez da kasualitatea orain kaleratu duten lankidea, 5 ordezkari horietako bat izana.

Lehenengo akordio horretatik hona denbora luze pasatu da eta hark zituen edukiek ez dute zer ikusirik orain indarrean dagoen akordioarekin. Azken akordioak lan baldintza txarragoak ezartzen dizkie kontratazio berriei eta honek ekarriko zituen ondorioaz ohartarazi zituzten LABeko ordekariek: enpresak antzinatasun gehien zuten langileak kaleratuko zituela, eta ordezkatuko zituztela aldi baterako kontratua, merkeago eta errazago maneiatzen diren langile berriekin.

LABetik oraindik garaiz dabiltzala egoera konpontzeko adierazi eta enplegu duina eta kaleratzerik ez egotea borrokaren bidez lortzen dela azpimarratu dute.