2024-09-20
HomeNazioartea IdazkaritzaElkartasunaAgur eta ohore, Martin McGuinness

Agur eta ohore, Martin McGuinness

Gaurko egunarekin, Irlandako Sinn Fein alderdiko eta Irlandako mugimendu Errepublikarraren lider historiko den eta aldi berean Irlanda Iparraldeko Lehen Ministro orde zen Martin McGuinnessen heriotzaren berri tristea jaso dugu. LAB sindikatutik bere familia, lagunei, Sinn Fein alderdiari eta Irlandako mugimendu Errepublikarrari hain gogorrak diren momentu hauetan gure doluminak bidaltzen dizkiegu, eta momentu zail hauetan zuekin gaudela ere adierazi nahi dizuegu.

Martin McGuinness, Irlandako askatasunarekin betidanik konprometitua egon zen pertsona bat eta bakearen, justiziaren eta Irlandako gizon eta emakume guztien parekidetasunaren aldeko borrokalari bat izan zen, bere pertsona eta bere gizatasun osoa ezagututa bakarrik uler zitekeen konpromisoa, hain zuzen ere.

Ez zen, ordea, borrokalari nekaezin huts bat izan. Martin McGuinness pertsona zoragarri bat izan zen, internazionalismo politikoa bere ideal politikoan txertatuta zuen pertsona bat. Euskal Herrian ezagutzeko aukera izan dugu, eta horregatik, hain zuzen ere, euskal gatazka politikoari justizia eta demokraziaren norabidean irtenbide bat bilatzeko egindako lan guztia eskertu beharrean gaude.

Hau ez da agur mezu bat, sarri arte esateko mezu bat baizik. Garaipenaren egunean berriz elkar ikusiko dugu; Euskal Herriaren eta Irlandaren askatasuna ospatzeko Martin McGuinnessek eta beste hainbestze pertsonek borrokaturiko askatasun,a hain zuzen ere.
 

 

 

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.