2023-12-03
HomeIndustriaArte GrafikoakAdegik positiboki erantzun ezean mobilizazioak deituko ditugu LAB eta ELA sindikatuek Grafikagintzan...

Adegik positiboki erantzun ezean mobilizazioak deituko ditugu LAB eta ELA sindikatuek Grafikagintzan Gipuzkoan

Grafikagintzako hitzarmenaren negoziazio mahaia apirilean blokeatu eta hainbat mobilizazioren ondoren abenduan sindikatuok mahaia berriz deitu genuen mugimendu garrantzitsuak eginez gure plataforman. Adegiren erantzuna ez zen nahi bezalakoa izan ordea, puntu atzerakoiak mantenduz erantzun baitzion gure mugimenduari.
Hala ere, eta akordio batera iristeko asmoz, LAB eta ELA sindikatuok sinadurarako gure proposamena argi azaldu dugu mahaian. Hitzarmenaren mantentzeari garrantzia emanez sektoreko langileok urteetan lorturiko eskubideei eustea ezinbestekotzat jo dugu, eta horregatik, patronalak hitzarmenaren aldeko apustua egiten badu ezezkoa eman ezin dion proposamena egin dugu mahaiean. Indarraldia, soldaten igoera eta oporrei dagokienez ondorengoa da:

Indarraldia: 2010, 2011 eta 2012.
Soldaten igoera: KPI + 0.5
Oporrak: Auzitegi Gorenaren epaia barneratzea. Ezgaitasun Iragankorren kasuan oporrak izan ezkero opor horiek aurrerago gozatzeko aukera.

Argi dugu patronalak onartu dezakeen eskaintza dela mahaian botatakoa.

Adegik ez badio baiezkoa erantzuten eskaintza honi, langileak mobilizazioetara deituko ditugu. Ezezkoa jasoz gero, benetan eskuragarria den proposamen honen alde kalera ateratzeko deia egingo diegu sektoreko langileei, mobilizazio desberdinak deituz, baita greba egunak ere.

Donostian, 2011ko martxoaren 11n
LAB eta ELA sindikatuak

AZKEN ALBISTEAK | ĂšLTIMAS NOTICIAS

Prozesu historiko baten emaitza izan den atzoko egunaren arrakastaren ondoren, erantzukizunen ordua heldu da: zaintza sistema publikoa, orain!

Atzoko Greba Feminista Orokorraren ondoren, agerraldi bana egin dugu Gasteizen (EAEko Lehendakaritzan) eta Iruñean (Nafarroako Gobernuan), atzoko egunaren balorazioa egin eta hemendik aurrerako bidearen berri emateko. Zaintzaren inguruko Herri Akordioa lantzeko bidean, bilera bana eskatu diegu Hego Euskal Herriko instituzio nagusiei.

GREBA FEMINISTA OROKORRA HERRIZ-HERRI

Greba Feminista Orokorrean egindako ekimen ezberdinen argazki galeria herriz-herri.

Zaintzaren iraultza martxan da

“Zorionak Euskal Herria!” hitz horiexekin hasi dute mugimendu feministako ordezkariek hainbat eta hainbat hiri eta herritan arratsaldean egin diren mobilizazioen osteko manifestua. Goizean goizetik jo eta sua aritu dira milaka grebalari lurralde osoan barrena, zaintza sistema publiko komunitarioa aldarri eta kaleak astintzen. Oraindik amaitu ez den prozesu baten mugarri historikoa izan da gaurkoa.