2024-05-24
HomeIndustriaMetalgintzaAdegik dagoeneko ez du inor engainatzen, arazoa ez dago legean, gogo ezan...

Adegik dagoeneko ez du inor engainatzen, arazoa ez dago legean, gogo ezan baizik

ADEGIk bereari eutsi zion atzo egindako Gipuzkoako Metalgintzako Negoziazio Mahaian. Ez du derrigortasunez bete beharrekoa izango litzatekeen hitzarmenik negoziatu nahi, ez eta soldata igoerarik. Laburbilduz, Raxoiren gobernuak oparitutako lan-erreforma aplikatu nahi du. Honen aurrean, LABek gure eskubideen aldeko mobilizazioak egiten jarraitu behar dugula irizten dio.

Joan den astean, ADEGIk jendartean egin agerraldian zioenez, sindikatuok nahi baldin badugu, metalgintzako hitzarmena izango dugu. Baina diotenez, hitzarmena ezin da legez aurkakoa izan (lan-erreformari aipamena eginez), ez eta arriskuan jarri enpresen bideragarritasuna eta lehiakortasuna.

Gaur egun, ADEGIk sinesgarritasun arazoa dauka, jadanik ez duelako inor engainatzen. Arazoa ez dago legean, beste sektoretan hitzarmenak lotu ditugulako, adibidez, papergintzan. Zergatik da gauzagarria Gipuzkoako papergintzan eta ez metalgintzan? Gauzagarria ez den ezer ez dugu eskatzen. Posible da baina ADEGIren partetik borondatea falta da.
Jendeak badaki metalgintza, beste sektoreentzat, oso erreferentziala dela, eta beharbada, horrek argitzen du ADEGIren jarrera.

ADEGIri gogorarazi nahi diogu, probintziako hitzarmenik ezak eta lan erreforma hutsak, hain zuzen, jar ditzaketela zalantzan enpresen bideragarritasuna eta lehiakortasuna. Ez dezagun ahantz, lan erreforma honekin herrialdeko hitzarmenak neutralizatu nahi dituztela, beraien balioa kenduz.

Hitzartzen dena, indarrean sartuz, bete dadila eskatzen dugu soilik. Xede horretan, langileei eta enpresei eraginkortasuna emango dien akordioak lotzeko gogoa izan behar da; hori ez da lan erreformaren ondorioz gertatuko, patronala eta sindikatuen arten lotu akordioen bidez baizik. Baina horretarako, nahia eta gogoa behar da.

Gaur egun ez diogu gisa horretako gogorik ikusten ADEGIri eta hortaz, LABek irizten dio gure eskubideen aldeko mobilizazioak egiten jarraitu behar dugula. Ez baitago etorkizunik eskubiderik gabe. LAB sindikatuko delegatuak Gipuzkoako eskualde guztietan mobilizazioak egiten ari dira. Hori dela eta, gainontzeko sindikatuei mobilizazio egutegi bateratu bat egiteko deia luzatu die LABek. CCOO eta UGTk beraien plataformetan aldaketak egingo dituztela planteatu dute eta ez dituzte mobilizazioak baztertu. ELAk ADEGIren inmobilismoa salatu du baina ez du mobilizaziorik aipatu.

Sindikalgintzaren erantzun bateratuak patronala mugiaraziko du; LABek helburu horretan egingo du lan. Langileek ez lukete ulertuko sindikatu hauek zirkinik ez egitea uztailaz geroztik gerta daitekeen hitzarmenaren benetako galeraren aurrean.

Hurrengo bilera, Apirilaren 9an izango da.

EGIN DEZAGUN GUZTIONA ETA GUREA DEN HITZARMENAREN ALDE! 

 

LAB SAREAN
{module[111]}

    

AZKEN ALBISTEAK | ƚLTIMAS NOTICIAS

Matia Fundazioko langileek hitzarmena negoziatu ahal izateko blokeoa etetea exijitu dute

Gaur kontzentrazioa egin dugu Matia Fundazioko langileekin batera, fundazioko zuzendaritza salatzeko asmoz, 2024. urtean hasitako negoziazio kolektiboa izoztuta dauka eta.

Jarraipen zabala Bizkaiko grafikagintza sektorearen grebaren laugarren egunean

Laugarren greba eguna Cebek-en egoitzaren aurrean amaitu den manifestazio jendetsu batekin amaitu da. Hain zuzen ere, patronala da maiatzaren 27an sektoreko gatazka desblokeatzeko aukera duena. Bestela, Bizkaiko grafikagintza sektoreko borrokak aurrera jarraituko du

Errepide mozketa egin dugu IruƱean salatzeko patronalak eta UGT eta CCOO sindikatuek Nafarroako Kimiketako hitzarmena guztiz blokeatu dutela

LAB sindikatuko zenbait kidek eta Kimiketako zenbait langilek IruƱeko errepide bat moztu dute gaur goizean, irudikatzeko eta salatzeko patronalak zein UGT eta CCOO sindikatuek erabat blokeatu dutela Nafarroan sektoreko hitzarmen probintziala izateko aukera. LABek iragan urteko ekainean abiatu zuen halako hitzarmen bat negoziatu ahal izateko lanketa, baina aipaturiko eragile horiek guztiz moztu dute bide hori.