Hego eta Ipar Euskal Herriko borrokak lotuz, mugaren alde bietan egiten ari den greba eta borrokak batuko ditu LAB sindikatuak Santiago zubian, bihar. Batez ere pentsio duinen aldeko borrokan jarriko dugu arreta, "Pentsio duinak hemen erabaki" leloarekin. Hala, giza katea egingo dugu, bi zutaberekin. Lehena, Irunen Gizarte Segurantzaren bulegotik abiatuko da eta bigarrena, Hendaian herriko etxearen aurretik. Biak 11:00etan abiatuko dira, eta 11:30ak aldera batuko dira.