Eusko Jaurlaritzako ordezkariek Hazinnova programa aurkeztu diete Durangaldeko hainbat enpresari, goizean. Hala agintarien zein enpresarien presentzia baliatuta, LAB, ELA, CCOO, UGT, ESK, CGT, USO eta CNT sindikatuok elkarretaratze bat egin dugu Durangaldeko Enpresen Elkartearen aurrean, Bizkaiko metalgintzarako hitzarmen duin bat aldarrikatzeko. Larunbateko manifestazioaren eta irailaren 30eko asterako deitutako greben atarian etorri da elkarretaratze hau.
Hauxe da LAB, ELA, CCOO, UGT, ESK, CGT, USO eta CNT sindikatuok egin dugun ohar bateratua, gaurko elkarretaratzearen harira:
Hazinnova enpresa-garapeneko euskal Agentziaren zerbitzu bat da. Gaur, Irailak 19, Durangoko enpresari elkartean, Durangaldeko zein mugakide diren eskualdeetako enpresari txiki eta ertainentzat aurkezpen jardunaldiak ospatzen ari dira.
Horregatik, 55.000 pertsonei era zuzen baten eragiten dien, metalgintzako borrokak, bizirik jarraitzen duela gogorarazteko kontzentrazio bateratu bat egin dugu.
Are gehiago atzo, irailak 18 asteazkena, Metaleko Hitzarmeneko mahai negoziatzailea berriro bildu zenean Bizkaiko LHKko Bilboko egoitzan. Denok uste genuen, patronalak astebeteko greba ate joka dugularik, akordio batera edo akordio batera heltzeko oinarriak finkatuko zituen eduki batzuk ekarriko zituela bilerara. Zoritxarrez, ez da horrela izan. Patronalaren arduragabekeriaren enegarren erakustaldian, galdutako beste aukera baten aurrean agertzen gara. Gogoratu beharra dago, patronalaren aldetik negoziatzeko inongo intentziorik gabeko hainbat hilabete jasan eta gero , irail bukaeran, “ distentsioko” 3 hilabete beteko dira( azken greba egunak ekainak 20 eta 21ean izan ziren). Denbora soberan egon da akordioetara heltzeko. Badirudi ez dutela ezertarako balio izan, beraien bazkide diren, zein sektoreko enpresa desberdinen kexuak ( akordio bat eskatuz), FVEMek bere jarrera aldatu eta Bizkaiko Metalean akordio bat erdiesteko eduki nahiko aurkeztu ditzan.
PATRONALAREN PROPOSAMENA
Irailak 10eko eskaintza berbera mantentzen dute. 3 urteko iraupena, soldata igoera ez nahikoak, soilik gutxieneko taulentzako eta soldata errealetan pixkat gehiago kobratzen dutenentzat soilik (gainontzekoentzako, milaka langilerentzat, ezer ez) , malgutasun gehiago, inongo mugarik ez kontratazio ebentual zein ETTei dagokionez, ezer ez azpikontratei mugak jarri edo berauen subrogazioari buruz, intentzioen diskurtso soilak hainbat gaitan, hala nola, Lan Osasuna, Genero Berdintasuna,….azken finean, betiko leloa.
Mahai negoziatzailearen hurrengo bilera irailak 23an da.
Argi dago, proposatu dutenarekin (eta irailak 23ko hurrengo bileran egoera aldatu ezean), patronala bera dela, grebak egitera behartzen gaituena. Akordio batera heltzeko, alde bien borondatea behar da, eta agerian dago, patronalak, konfliktoa luzatzearen aldeko hautua egin duela, nahiz eta jakin, sindikatu guztien babesarekin, sektoreko langileek, berriro ere era masibo batean bat egingo dutela, irailak 30ean hasten diren greba egunekin. Denok dugu argi, konfliktoa hau bukatzekotan, sinatutako Hitzarmen batekin bukatu behar dela, eduki nahikoak izango dituena, eta ondorioz sektoreko langileentzako aurrerapausu bat suposatuko duena. Jokoan dagoena ez da Metaleko Hitzarmena soilik. Negoziazio kolektiboa bera, eta beste hainbat hitzarmenen etorkizuna dago jokoan.
Greba historiko baterako prestatu beharra daukagu. Sektorea erabat gelditu eta patronala akordioetara heltzera behartuko duena. Eta denok batera egin behar dugu, irmotasunez eta arrakalarik gabe, bestela aurretik egindako 5 greba egunek ez dute ezertarako balio izango. Seguru gaude, sektoreko langileek berriro ere neurria emango dutela. Bizi dugun momentuak horrenbeste eskatzen du.
Gogoraraztea deialdi garrantzitsua dugula, irailaren 21ean, larunbat honetan, Bilbon deitu dugun manifestazioa. Manifestazioa Euskadi Plazan dagoen FVEMeko egoitzan hasiko da eguerdiko 12,00etan, eta Arenalerako Zubirainoko ibilbidea egingo du.
Ez digute ezer oparituko, eskubideak KONKISTATU egiten dira !