Txus Martin euskal preso politikoari gaur ebakuntza larri bat egin diote Basurtoko erietxean, eta bertan izan dituen eskubide urraketak salatu nahi ditu LABek.
Geletan gaixo bakoitzeko bi pertsona bakarrik egon ahal badira ere, bere kasuan, familiarrez aparte beste bost ertzain egon dira momenturo, horrek suposatzen duen estres eta intimitate faltarekin. Ebakuntza-gela barrura arte ere sartu dira ertzainak, eta hau ere ez ohiko prozedura dela salatu nahi dugu.
Ospitale hau kudeatzen duen jerentearekin hitz egiten ahalegindu gara, baina berak ez du nahi izan ezer egin eta ez ditu bere ardurak asumitu.
LABetik argi utzi nahi dugu, osasuna eskubide unibertsala dela, eta presoek ere badutela. LAB Osakidetzatik argi nahi dugu esan, jerenteak duela ospitalean gertatzen diren urraketa guztien ardura, baita Nekane Murga sailburu berriak ere.
Edozein urraketen aurrean izango gara eta urjentziazko bilkura eskatua dugu Nekane Murga sailburuarekin gai honen inguruan hitz egiteko.
Egoera honen gainean egongo gara eta eszepzio egoera honekin behingoz bukatzea exijitzen dugu.