2026-11-22
HomeEkintza SindikalaFuntzio publikoan greba egin dute Ipar Euskal Herrian, lan baldintza eta zerbitzu...

Funtzio publikoan greba egin dute Ipar Euskal Herrian, lan baldintza eta zerbitzu publiko duinen alde

Greba eguna Ipar Euskal Herrian, funtzio publikoan. Kolektibitateetako, administrazioko, irakaskuntzako, medikuntzako langileak… Karrikan izan dira, lan baldintza eta zerbitzu publiko duinen alde. Euren lanbideak prekarizatuak, gaizki ordainduak, ikusezinak eta gero eta deshumanizatuagoak daudela salatu dute, eta Frantziako Gobernuak ez dituela tokian tokiko errealitateak kontuan hartzen. Presiopeko aurrekontuak, baliabide eskasia, langile kopurua tentsiopean, lan baldintzen okertzea, kontrataziorako zailtasunak… Halako ondorioak pairatzen dituzte guztiek, salatu dutenez.

Egoera horren aurrean, beharren mailako kontratazioak, lansarien berehalako emendatzea eta finantzazio iraunkorra eta tokiko beharrei egokitua galdegin dituzte. Lan baldintzak Ipar Euskal Herrian bertan erabaki nahi dituztela aldarrikatu dute.

Goizean, goiz auto karabanak egin dituzte langileek, eta, ondoren, mobilizazioa egin dute, Baionako ospitaletik abiatuta.

AZKEN ALBISTEAK | ÚLTIMAS NOTICIAS

Teknikarien sektorean langile borrokaren bidez lortu dugu patronala mugiarazi eta negoziazioa ahalbidetzea

Ikuskizunen eta ekitaldien sektorean 26 eta 27rako aurreikusita zegoen greba bertan behera geratu da gaur; izan ere, behin eta berriro negoziazioak geldiarazten edo oztopatzen ahalegindu den patronala mahaian eser dadin eta teknikarien lan-baldintzei buruz negozia dezan lortu dute langileek beren mobilizazioekin eta presioarekin.

Gipuzkoako helduen egoitzen hitzarmena #LortuDugu

Administrazio publikoko langileekiko ekiparazioaren aldeko urratsak eman eta arrakala murrizten du aurreakordio honek, LABek negoziazio hasieratik mahaian defendatu izan duen bezala.

Lan-ikuskaritzak arrazoia eman digu, eta argi geratu da San Esteban egoitzako langileei eskubideak urratu zaizkiela

Txostenak frogatutzat jo du Getxoko lantokian ez dela errespetatu adinekoen egoitzetako hitzarmena.