2026-11-19
HomeEkintza SindikalaBeste lan heriotza bat garraio sektorean

Beste lan heriotza bat garraio sektorean

Atzo, Hernanin, E.P.R. 57 urteko garraiolaria hil zen lan-istripu ez traumatikoan, Repsolek A-8an duen gasolindegian erregaia kargatzen ari zela. Hildako langilea Iruñeko Getze (Nafarroa) herriko Transportes Petrolíferos Coordinados SL enpresakoa zen. Heriotza honekin, dagoeneko 18 dira aurten Euskal Herrian lan-istripuz hildako langileak.

Ezer baino lehen, LABek bere babes eta elkartasun osoa adierazi nahi dizkie hildako langilearen familiari eta lagunei.

Sindikatuak berriro salatu behar du beste garraiolari baten heriotza. Garraioaren sektorea da laneko ezbeharren gaitza gehien pairatzen dutenetako bat. LAB ez da nekatuko lan istripuak lan baldintza txarren eta prebentzio eta segurtasun-neurririk ezaren ondorio direla salatzeaz.

Oso prekarioak dira garraio-sektorearen baldintzak: lanaldi luzeak, estresa, presioak, garraioagatik ordaintzen den prezio baxua, bizimodu eta elikadura osasuntsua mantentzeko zailtasunak, etab. Horregatik dio LABek garraioaren sektorean gertatzen diren lan-istripu gehienak ekidin daitezkeela, eta horretarako borondate politikoa besterik ez da behar, baita erakunde eta enpresa guztien inplikazioa ere, garraiolarien lan-eskubideak errespetatzeko eta bermatzeko beharrezkoak diren neurriak hartzeko.

Prekaritatearekin amaitu behar da. Patronalaren zigorgabetasunarekin amaitu behar da. Erakundeek ezin dute beste alde batera begiratzen jarraitu, bestela konplizeak izango dira.

Lan istripu hau salatzeko antolatuko diren mobilizazioetan parte hartzeko deia egiten du LABek.

Lan istripu gehiagorik ez, ez garraio sektorean, ez beste inon.

AZKEN ALBISTEAK | ÚLTIMAS NOTICIAS

Arabako ardogintzaren sektorea mobilizatu egin da hitzarmenaren alde

Gaur izan da udazkeneko lehen mobilizazioa.

Anbulantzietan 1400 milioi euroko pribatizazioa geldiaraztea #LortuDugu eta zerbitzuaren publifikazio osoa exijitzen diogu EAEko Osasun Sailari

Kontratuen Inguruko Errekurtsoen Administrazio Organoak (KEAO) arrazoia eman dio sindikatuari, eta bertan behera utzi ditu bai larrialdietako anbulantzien (LGSS), bai anbulantzia ez-asistentzialen lizitazioak. Ebazpenek berretsi dute Osasun Sailak ez duela justifikatu baliabide propiorik ez izatea, eta gogorarazi dute legeak kudeaketa publiko zuzena lehenesten duela.

Nafarroako Enplegu Zentro Berezietako lan-prekaritatea salatu dugu eta diru publikoaren gaineko kontrol handiagoa eskatu dugu

LAB sindikatua mobilizatu egin da gaur goizean Nafarroako Enplegu Zentro Berezien (EZB) sektoreakin, Nafarroako Foru Komunitatean arlo horretako langileek pairatzen dituzten lan-baldintza prekarioak publikoki salatzeko. Sindikatuak Nafarroarako berariazko arau-esparru bat eskatu du, sektoreko langile guztientzako lan-baldintza duinak bermatzeko eta plantillen arteko desberdintasunak saihesteko.