Enpresa, Asparrenan kokatua, inguruko kimika-enpresarik handiena da, 140 langilerekin.
Hainbat hilabetez negoziatu ondoren, aurreko hitzarmena berritzen duen testua sinatu dugu. Hitzarmen berri honek hiru urteko indarraldia izango du, 2024-2026 bitartean: aurreko hitzarmenetarako eskubide bakar bat ere ez galtzea dakar, KPIaren gaineko igoerak ditu urtero, 12 orduko jaitsiera datorren urtetik aurrera, 55 urtetik gorakoentzako gaueko lana borondatezko gisa ezartzen du, adingabeen zaintzagatiko murrizketa 14 urtera arte luzatzea, mugikortasun geografikoa hobetzea eta partida ekonomiko bat adostu da langileek fisioterapiara jo ahal izateko.
Hori guztia langileen babesaren emaitza da. Hasiera-hasieratik negoziazioarekin buru-belarri aritu dira, besteak beste, plataforma egiteko LABetik aurkeztu genuen inkesta betez eta prozesu osoan zehar erakutsitako interesarekin jarraituz, azken batzarretara arte, zeinean negoziatutakoari oniritzia eman zitzaion.
LABetik akordioaren balorazio positiboa egiten dugu, baina, aldi berean, zapore gazi-gozoa uzten digu. Zoritxarrez, oraingo honetan ezinezkoa izan da negoziazioari batzorde batu batekin aurre egitea. LABen lanean jarraituko dugu iraganean hain emaitza onak eman dituen batasun sindikal hori lortzeko.
