Gipuzkoako salgaien errepide bidezko garraioaren hitzarmena berritu nahi dugu behingoz. 6.000 langile baino gehiagori eragiten dio hitzarmen horrek. Patronalaren egoitzaren atarian egin dugu mobilizazioa gaur, errespetu faltak alde batera utzi eta behingoz mugi dadin.
Bilera deialdiei behin eta berriz uko egiten dio patronalak, eta langileak nazkatuta daude. Beharrezkotzat jotzen dugu Gipuzkoako langileei eta, bereziki, Gipuzkoako Salgaien Errepideko Garraioaren sektoreari segurtasun juridikoa eta arau argiak emango dizkien hitzarmen bat berritzea. Hemen lan egiten badugu, hemen erabaki behar dugu.