LAB sindikatuak salatzen du Ospitaletegiko larrialdi bateratuan ematen den egoera. Dagoeneko bi urte eta erdi baino gehiago igaro dira Barcinak eta Verak inauguratu zutenetik. Zabaldu zenean zeuden arazo askok bere horretan diraute tamalez. Langileek behin eta berriz salatu dute zerbitzuan ematen diren arazoak, baina Ospitaletegiko zuzendaritzak ez du jaramonik egiten eta ez du zerbitzuaren anabasa zuzentzeko erabakirik hartzen.
Horrela, arazo hauek bere horretan diraute:
• Sorospena egiteko guneak ezegokiak dira.
• Medikuaren zeregina bete dadin, ez dago behar besteko pertsonarik.
• 12 ordutako ordutegi ezarriak eta txanda lerrakorrak.
• Buruzagitzek ez dute ikuskatzen.
• Gaixoek itxaroteko behar besteko lekurik ez dago, eta hortaz, jendea pilatzen da.
• Lan-zama eskerga eta haren banaketa desorekatua.
Hau guztia erizaintzako burutzak erakutsi jarreraren ondorioz betikotzen ari da: hark ez baititu kontuan hartzen langileek hobetzeko helburuan egin eskaerak; ez direlako neurri zuzengarriak egituratzeko gauza; ez daukatelako lantaldeak kudeatzeko gutxiengo ezaugarriak eta gaikuntza; nahasten dutelako lidergoa, ezarri behar izatearekin.
Egoera honelakoa izaki, 140 profesionalek beren buruak behartuak sentitu zituzten, horretan zuzenean nahasirik zeuden erizaintzako burutzen lagatzea idatziz eskatzeko.
Ospitaletegiko zuzendaritzak, berehala, egoera zuzentzeko neurriei ekin behar die; jabetu behar du, aitzinako kudeatze erek, hain zuzen, eraman gaituztela egungo egoerara.
Adierazi dugun guztiarengatik, gure lanpostuen ate aurrean elkartzen gara, jendartean salatzeko langileok eta erabiltzaileok pairatzen ari garen egoera.