Enpresek hartuta diote neurria kolektibo honi, oso ondo dakite euren eskubideen alde borrokan egiten duen kolektiboa dela, baina baita zerbitzuaren kalitatea eta umeen ongizatearen alde. Beste behin euren intereserako erabili nahi gaituzte eta ez diete ondorioek axola, ezta jangelak kaltetzeak eta askoz gutxiago jangela zerbitzua gelditzeak, aurreko negoziazioan gertatu zen moduan. Inolako lotsarik gabe bahitu moduan erabiliko gaituzzte langile, ume zein gurasoak Eusko Jaurlaritzari presionatzeko, negoziazioan esku hartu dezan eta gatazka ekonomikoki konpondu. Ez die axolako nondik ateratzen den konponbidea, edo aurrekontuetatik edo familien poltsikoetatik, beti ere euren irabazi asmoak ikutzen ez diren bitartean.
Berriro diogu, eskola-jangelak kudeatzeko eredu hau guztiz agortuta dago. Duela ez asko ezagutu genuen enpresen jarrera ustela euren negozioa banatzeko. Lehiaren Epaitegiak 18 milioi eurotako isuna bota zien eta orain langile eta familiek erdibana ordaintzea nahi dute, denok ezagutzen dugulako eta etengabe albistea delako nola ari den kaltetzen jangela zerbitzua, kalitatez zein kantitatez. Ez da kasualitatea kaltetze hau isun-mamuaren (zalantzak digu bere exekuzioaz) eta eskandaluzkoa izango den prezioaren jaitsieraren ondorengoa izatea. Argi daude ondorioak.
Beste alde batetik, jendartea beste zerbait eskatzen ari da eta lerro desberdin batean ari da lanean. LABetik, beste eragile eta gurasoen elkarte batzuekin, jangela- eredu berria ari gara diseinatzen, publikoa, osasungarria, burujabea, integrala eta integratzailea eta Hezkuntza proiektuaren zati izango dena. Horregatik, enpresak dituen asmoak lan-baldintzetan kosteak murrizteko, familiek duten asmoa jangeletan beste eredu bat izateko eta langileen borroka legitimoa euren lan-baldintza prekarioak hobetzeko ikusita, negoziazio gogor eta gatazkatsua iragartzen digute.