Gaurko egitekoa zen epaiketa ez da azkenean egin, aldeen arteko akordioa lortu delako non guztiak absolbituak gelditzen diren, hiru ordezkari sindikalak baita zinpeko zaintzailea ere. Gogoratu behar dugu salaketa gurutzatuak egin zirela. Zinpekoak, bere burua lesionatu ondoren, ordezkari sindikalen kontrako salaketa jarri zuen, eta ordezkariok zinpekoaren kontra.
Balorazio gazi-gozoa egiten dugu. Izan ere, nahiz eta zinpekoak egindako salaketa faltsuak ez duen aurrera jo, erasotzailea ondoriorik gabe atera da, inpunitate sentsazioa indartuz. Gure aldetik, jarraituko dugu gertatutakoa salatzen Ospitaleko Gerentziak dagokion ardura hartu arte eta Prosetecnisa enpresako zinpeko hau ospitaletik kanpo ikusi arte. Ez dugu onartuko halako jarrerarik, ez Gurutzetako ospitalean ez inon.