2026-11-21
HomeEkintza SindikalaElkarretaratzea egin dute Arabako ardogintzako langileek, lan hitzarmenaren alde

Elkarretaratzea egin dute Arabako ardogintzako langileek, lan hitzarmenaren alde


Joan den azaroan izan zen mahai negoziatzailearen azken bilera. Abenduaren 5ean, gehiengo sindikalak jabeari sinatzeko proposamena eskaini zion. Langileek ez dute erantzunik jaso oraindik, ez eta mahai negoziatzailearekin biltzeko proposamenik ere.

LAB eta ELA sindikatuek deituta, Arabako ardogintza arloko langileek elkarretaratzea egin zuten igandean Oionen, Plaza Nagusian. Hitzarmen duin baten alde egin zuten protesta, patronalaren jarrera ikusita. "Ardogintzaren langileek erantzun bat behar dutela uste dugu: lan hitzarmena berritu, lantegiak arriskutik kanpo geratu eta langileen erosteko ahalmena jaisteko bidetik atera", adierazi dute sindikatuek.

Elkarretaratzea egiten zuten bitartean, Oiongo alkateak harrera egin zien Arabako hainbat erakundeko ordezkariei; Nekazaritzako diputatu Eduardo Aguinako eta ahaldun nagusiaren ondoko Pilar Garcia de Salari, tartean. Langileek dokumentu bat helarazi zieten hauei, upategietako jabeen jarreraren berri izan zezaten.

2016. urtean lan hitzarmena ez zen berritu, nahiz eta egoera latz batetik etorri: azkena lau urtetarako izan zen (2012-2015), horietatik hiru urtetan lan saria izoztu egin zen eta batean (2013an) igoera % 1ekoa izan zen eta gainontzeko murrizketak jasota, aintzinatasunarena adibidez.

 

 

 

AZKEN ALBISTEAK | ÚLTIMAS NOTICIAS

Teknikarien sektorean langile borrokaren bidez lortu dugu patronala mugiarazi eta negoziazioa ahalbidetzea

Ikuskizunen eta ekitaldien sektorean 26 eta 27rako aurreikusita zegoen greba bertan behera geratu da gaur; izan ere, behin eta berriro negoziazioak geldiarazten edo oztopatzen ahalegindu den patronala mahaian eser dadin eta teknikarien lan-baldintzei buruz negozia dezan lortu dute langileek beren mobilizazioekin eta presioarekin.

Gipuzkoako helduen egoitzen hitzarmena #LortuDugu

Administrazio publikoko langileekiko ekiparazioaren aldeko urratsak eman eta arrakala murrizten du aurreakordio honek, LABek negoziazio hasieratik mahaian defendatu izan duen bezala.

Lan-ikuskaritzak arrazoia eman digu, eta argi geratu da San Esteban egoitzako langileei eskubideak urratu zaizkiela

Txostenak frogatutzat jo du Getxoko lantokian ez dela errespetatu adinekoen egoitzetako hitzarmena.