2024-03-28
HomeIndustriaMetalgintzaErmuko TVAko enpresa hitzarmen duinaren alde mobilizatu gara

Ermuko TVAko enpresa hitzarmen duinaren alde mobilizatu gara

Negoziazio Kolektiboa ezinbesteko tresna da langileon eskubideak sortu, defendatu eta hobetzeko. LABentzat hitzarmen sektorialek ezinbesteko garrantzia dute; sektore horretako langile guztien gutxieneko baldintzak arautzen baitituzte. Era berean, enpresetako paktu eta hitzarmenek sektoretako gutxieneko baldintzak hobetu behar dituzte. Zoritxarrez, Ermuako TVA enpresan, UGT sindikatuak Eragin Mugatuko hitzarmena sinatu du, atzerakoia eta gainerako komiteko kideen ezkutuan. LAB, horrelako akordio bat, langileon oinarrizko eskubideen aurkako erasoa dela salatuz kalera irten da.

Langileon lan baldintzak hobetzeaz hitz egiten dugunean, Kolektibo osoaz ari gara; taldea eta langileak zatitzen dituzten akordioek bazterketa eta prekarietatea besterik ez baitute sortzen.

Horregatik guztiagatik, LABek beti defendatu ditugu Eragin Orokorreko Hitzarmenak, enpresa, sektore zein herrialdekoak izan. Esan bezala, Eragin Orokorrekoak direlako, bazterketa eta baldintzarik gabe, langile kolektibo osoa babesten dutenak. Eragin Mugatuko hitzarmenek langileen artean desoreka eta ezberdintasunak sortzen dituzte.

Zoritxarrez, Ermuako TVA enpresan, UGT sindikatuak Eragin Mugatuko hitzarmena sinatu du, atzerakoia eta gainerako komiteko kideen ezkutuan. LABentzako hori larria bada, are gehiago kezkatzen eta haserretzen gaitu, hitzarmen horretan kaleratzeak erraztu egiten dituztela eta, gainera, Bake Soziala onartzen dutela, langile guztiak egoera makur horretara hipotekatuz.

Enpresaren interesak babestu dituzte: eragin mugatuko hitzarmena, langileen arteko ezberdintasuna eta prekarietatea, kaleratzeak erraztu, Bake Soziala sinatu… Eta, gainera, horrelako akordio batek inguruko enpresetan eduki dezakeen eraginak ere asko arduratzen gaitu.

LABek horrelako akordio bat, langileon oinarrizko eskubideen aurkako erasoa dela salatu nahi dugu argi eta garbi, eta ez dugu sor daitekeen prekarizazioa eta eskubide galera onartzeko inolako asmorik.

Ez dugu inoiz lanpostu suntsiketan parte hartuko, ezta kaleratzeak erraztuko ere; ez Ermuan ezta beste inon ere.

 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.