2026-11-21
HomeZerbitzu PublikoakOsasungintzaOsakidetzak gaixo kronikoen arreta murriztuko du gripeari aurre egiteko

Osakidetzak gaixo kronikoen arreta murriztuko du gripeari aurre egiteko

LAB sindikatutik lehenengo gripe kasuen ondorioz Lehen Arretan bizi den egoera prekarioa salatu nahi dugu.Gabonetako kanpaina bete-betean eta dagoeneko zerbitzu guztiak murriztuta egonda (ospitaleetako oheak itxita, medikuen agendak itxita, langileen ordezkapenik ez, anbulatorioak ixteko ordua aurreratuta…) Osakidetzak “gripearen ondorioz asistentziaren balizko igoera bideratu” nahi du langile gehiago kontratatu gabe, ez dauden langileak ordezkatu gabe eta mota guztietako murrizketak indarrean daudelarik.

Hainbat lekutan Osasun Zentroetara bidalitako “interbentzio-ildoak” detektatu ditugu, zeinetan halako prozedurak agintzen diren: “gaixo kronikoei eskainitako denbora murriztea, eta euren zitak atzeratzea, etxeetara programaturiko bisitak ere atzeratzea, langileak mostradoretik kendu eta arreta telefonikoan ipintzea, etxerako abisuak filtratu eta erabiltzaileei ohartarazi profesionalen arreta atzerapenez doala”, beste gauza batzuen artean.

LABek honako “interbentzio ildoak” atzera bota dezaten exijitzen du eta langileon eskubideak zein erabiltzaileei ematen zaien osasun arretaren kalitatea bermatzeko behar besteko kontratazioa egin dezaten. Ez dugu onartuko gaixo kronikoen (zeinak bereziki kalteberak diren, are gehiago gripearen aurrean) osasun eskubideak murriztea, eta gure esku dagoen guztia egingo dugu zentzu honetan.

 

 

 

AZKEN ALBISTEAK | ÚLTIMAS NOTICIAS

Teknikarien sektorean langile borrokaren bidez lortu dugu patronala mugiarazi eta negoziazioa ahalbidetzea

Ikuskizunen eta ekitaldien sektorean 26 eta 27rako aurreikusita zegoen greba bertan behera geratu da gaur; izan ere, behin eta berriro negoziazioak geldiarazten edo oztopatzen ahalegindu den patronala mahaian eser dadin eta teknikarien lan-baldintzei buruz negozia dezan lortu dute langileek beren mobilizazioekin eta presioarekin.

Gipuzkoako helduen egoitzen hitzarmena #LortuDugu

Administrazio publikoko langileekiko ekiparazioaren aldeko urratsak eman eta arrakala murrizten du aurreakordio honek, LABek negoziazio hasieratik mahaian defendatu izan duen bezala.

Lan-ikuskaritzak arrazoia eman digu, eta argi geratu da San Esteban egoitzako langileei eskubideak urratu zaizkiela

Txostenak frogatutzat jo du Getxoko lantokian ez dela errespetatu adinekoen egoitzetako hitzarmena.