Atzoko bileran LAB eta ELAek Gastronomia Baskako sukalde zentraleko langileen egoera zen den jakinarazi genion Hezkuntza Sailari eta langileen subrogazioa eskatu genion. Eusko Jaurlaritzak subrogazioa baldintzen pleguan jasotzen ez dela ulertuta, konponbide hori bermatzeko ezintasuna jakinarazi zigun. Honen aurrean, eta Jaurlaritzaren eskuetan EEEak eragingo liekeen pertsonak osatutako lan-poltsa bat osatzeko proposamena utzi ostean, grebarekin jarraitzea erabaki genuen. Gaur, grebaren 2. egunean, Jaurlaritzaren aurrean elkarretaratuko gara eguerdiko 12:30etan.
LAB eta ELAetik Eusko Jaurlaritzari jakinarazi genion bere eskuetan lan-poltsa bat utziko dugula. EEEak eragingo liekeen pertsonak egongo lirateke hemen. Tresna hau Hezkuntza Saila eta gainontzeko enpresa esleipendunen esku utziko dugu, kontratazio berriak lan-poltsa honetatik egin daitezen.
Eusko Jaurlaritzatik aukera hau lantzeko asmoa jakinarazi digu. Gure aldetik, enpresa hauetako batzordeetan eragingo dugu horrela izan dadin.
Hezkuntza Sailarekin batzartu ondoren egin zen langileen asanbladaren ondoren, grebarekin jarraitzea erabaki genuen. Langileei ondo iruditu zaie lan-poltsaren proposamena, subrogazioa ziurtatzeko ezintasunaren aurrean. Enplegu Erregulazio Espedienteak eragiten dien langileentzako irteera da, ez du espedientea eragozten baina lan-etorkizunerako ate bat zabalik geratzen da. Aldarrikapen nagusi bi ditu grebak. Batetik, enpresak espedientea aurkeztea eta horrela zenbat langileri eragiten dion ezagutu eta nortzuk diren jakitea, horrela lan-boltsak osatzeko.