Gaixorik dauden presoak etxera ekartzeko "Etxera Gunea" martxan da Bilboko plaza Zirkularrean. Urriaren 20tik 23ra bitartean ekimen eta mobilizazio ezberdinak egingo dira bertan euskal presoen eskubideak bete daitezen exijitzeko. Urrian 23an arratsaldeko 19:30etan burutuko den herrialdeko manifestazioak emango dio amaiera ekimenari.
Ibon Iparragirre, gaixotasun larria eta sendaezina duen euskal preso politiko Ondarrutarra Bilboko epaitegietan “falta” epaiketa bat izan du gaur. Honen aurrean eta “Iparra galdu barik” plataformak deitutako elkarretaratzearekin hasiera emanez, urriaren 20tik 23ra bitarte "Etxera gunea" jarri da martxan gaur Bilboko plaza Zirkularrean.
Egunero goizeko 12etatik arratsaldeko 20ak arte "Etxera gunean" jendea bertan izango da, ahalik eta lagun gehien gaixorik dauden presoen askatasuna exijitzeko.
Egun osoan zehar ekimen ezberdinak egongo dira eta guztion parte hartzea beharrezkoa izango da. Bereziki 12etatik 13ak arte, eta 19etatik 20ak arte egingo diren kontzentrazioetan. Baina egun osoan zehar “Etxera-gunean” jendea egotea da helburua.
Ostiralean, arratsaldeko 19:30etan, herrialdeko manifestazio jendetsuarekin borobilduko da ekimena.
LAB sindikatuak ekimenarekin bat egiten du eta langile eta herritarrei bertan parte hartzeko deia luzatu nahi die. Euskal presoen eskubideekin jokatzen ari dira eta ezin dugu hori onartu.
Gaixorik dauden euskal presoak etxera! Denok dugu giltza.