Urban Sons markako langileek elkarretaratzea egin dute, orain Denin and Friends izena duen Iruñeko dendako atearen aurrean, euren egoera salatzeko.
Bi aste dira Urban Sons enpresak Nafarroako enpresak Iruñerrian dituen 3 dendak (Karlos III.a etorbidea, Morea eta Itaroa) itxi dituela. Baina ezustekoa etorri da, hain zuzen ere, kontratuak iraungitzeko enplegu-erregulazioko espedientearen kontsulta-aldiko lehen egunean, hiru dendetatik bik ateak ireki zituztenean beste langile batzuekin, lan-jarduera bera izan arren: arropa eta osagarriak saltzea.
Denda horietako langileek, guztiak emakumeak izanik, beren lanpostua nola desagertu den entzun behar izan dute, dendak beste izen batekin funtzionatzen duen bitartean, baina altzari berberak erabiltzen jarraitzen dute, pertxa berberak, maniki berberak eta baita alfonbratxo bera ere, buelta emanda hori bai.
Beren egoera bidegabea onartezina da. Urban Sons enpresaren jabeak, Banur enpresa eraikitzailearen jabea ere badenak, enpresen ondorengotza ukatzeaz gain, langileek jaso beharko lituzketen kaleratzeagatiko kalte-ordainak ere ukatzen ditu, Fogasara joatera behartuz.
Egoera onartezina da, eta legeak baimentzen badu ere, argi dago marka horren jabeak, nahi izan balu, alde batetik, marka eskualdatzea negozia zezakeela, langileek beren lanpostuetan jarrai zezaten, edo, nahi izanez gero, legeak kaleratzeagatik ezartzen dituen kalte-ordainak ordain zitzakeela, bere jabetzako beste enpresa batzuen bidez.
Langileek beren lanpostuen alde mobilizatzen jarraituko dute. Lanpostu horiek egon, badaude, baina ukatu egiten zaizkie. LABen ustez, ez da onargarria enpresariek darabilten inpunitatea, legeek, gobernuek eta auzitegiek langileek jasaten dituzten gehiegikeria hauen aurrean justiziarik egin gabe.