2026-11-18
HomeLan Osasuna IdazkaritzaPrekarietatea Hiltzailea23 dira jadanik 2014an lan istripuan hildako langileak

23 dira jadanik 2014an lan istripuan hildako langileak

Atzo, uztailak 1, langile bat hil zen garabi batetik erorita Jundizeko poligonoan, Gasteizen. Honekin, badira 23 langile jadanik Euskal Herrian hil direnak ezbeharretan 2014an. Bihar, osteguna, elkarretaratzea burutuko dugu lan istripu hau salatzeko SEA patronalaren aurrean arratsaldeko 18:00etan.

Lehenik eta behin, LAB sindikatutik gure elkartasuna helarazi nahi diogu hildako langilearen familiari, gertukoei eta lankideei. Gaur egun nagusi diren prekarietateak, esplotazioak, lan baldintza txarrek, lan erritmoak eta formakuntza ezak hil egiten dute.

LAB sindikatuak dei egiten du azken heriotz istripua salatzeko deitutako mobilizazioetan parte hartzeko

Atzokoarekin gutxienez 23 dira 2014an Euskal Herrian lan istripuan hildako langileak

Atzo asteartea uztailak 1 lan istripuz hildako langile baten heriotza salatu behar dugu. 27 urteko Lezamako langile gaztea hil zen Gasteizen izandako istripuan, Instalaciones Universal Plataformas Aereas enpresako langilea, plataforma mantennimendu lanetan ari zela 14 metrotik erorita.

LAB sindikatutik lehenik eta behin, elkartasuna adierazi nahi diogu haren sendiari, lankideei, lagun eta gertuko guztiei.

Modu berean gogor salatu nahi dugu azken heriotz honekin, Euskal Herrian gutxienez 23 langile hil direla 2014an, urtarriletik uztaila bitarte.

Non daude administrazioko arduradunak heriotz berri hau salatzeko? Zein aldaketa eta zein pausu enateko prest daudeegoera eta eredu hau geldiarazteko? Langileok bizi ahal izateko egiten dugu lan eta ez, saiakera horretan hiltzeko. Lan istripuak ez dira bizitzako gertakari arruntak, langile bat hiltzea ez da lanaren ezaugarri bat. Ez, lan istripuak patronalak lan egiteko orduan ezartzen dizkigun baldintza eta lan egiteko moduen emaitza dira.

Ondorengo orduetan burutuko diren protesta elkartaratzetan parte hartzera deitzen dugu LABetik.

Gasteizen bihar osteguna 18:00etan SEA enpresari elkartearen aurrean, eta ostiralean Lezamako herrian eguerdiko 12:00 etan udal plazan.

Hau guztia dela eta, LAB sindikatutik mobilizatzera dei egiten dugu eta guztien artean, langile zein jendartean odolhoste hau geldiarazi dezagun.

ASKI DA! EREDU EKONOMIKOA ALDATZERA GOAZ!

 

 

 

AZKEN ALBISTEAK | ÚLTIMAS NOTICIAS

Bertako LGS behar dugu, Euskal Herriko langileen errealitateari erantzuteko

Espainiako Gobernuak gaur onartu du Lanbide arteko Gutxieneko Soldataren (LGS) igoera, baita langile publikoen soldaten %4,5eko igoera ere. LABen ustez, erabaki horiek langile batzuen egoera ekonomikoa hobetuko badute ere, Hego Euskal Herrian eragin mugatua izango dute, eta ez diete gure langileen beharrei erantzungo. Gainera, langile publikoen soldaten igoera Madrildik inposatua eta ez-nahikoa da.

Beste mobilizazio egun bat Osakidetzan

Mahai Sektorialean aurrerapauso nahikorik ez dagoenez, LAB, SATSE, ELA, CCOO eta UGT sindikatuok elkarretaratzeak deitu ditugu gaur lan zentro guztietan: 11:00etan ospitaleetan eta 13:00etan Lehen Mailako Arretan.

Ikuskizun eta ekitaldien sektoreak beste bi greba egun iragarri ditu Hego Euskal Herrian, azaroaren 26an eta 27an

LABek, ikuskizun eta ekitaldien sektorean Nafarroan ordezkaritzaren %100 duen sindikatuak, EAEko beste sindikatuekin batera (Teknikariok, ESK, ELA CCOO, UGT eta CNT) bi greba egun berri deitu ditu negoziazioak desblokeatzea eta sektoreko lehen hitzarmen kolektiboa sinatzea eskatzeko. Deialdi bateratuak bi lurraldeetan partekatzen den aldarrikapen bati erantzuten dio: prekarizatutako sektore baten erregulaziorantz aurrera egitea.