Bizkaiko Foru Aldundiak Gallartako adinekoentzako laguntza-zentroa aniztasun funtzionala dutenentzako zentro bat bihurtu nahi du. Erabaki horrekin, Bizkaiko Foru Aldundiak Meatzaldeko, Enkarterriko, Ezkerraldeko eta abarreko adinekoak orain arte egin den bezala zaintzeari utziko dio, hau da, modu eraginkor, atsegin, errespetuzko eta kalitatezkoan. Eta giza baliabide eta baliabide ekonomiko publikoak ondo erabilita. Bada, Bizkaiko Foru Aldundiko enpresa-batzordea osatzen dugun sindikatuok (LAB, ELA, UGT, CCOO eta SATSE) erabaki hauen ondorio larriez ohartarazi dugu hedabideen aurrean, eta egoera honen aurrean egingo ditugun ekimenen berri eman dugu.
Hauxe da sindikatuon ohar bateratua:
Azaroaren erdialdean, Gizarte Ekintzako diputatua den Sergio Murillok, Bizkaiko Batzar Nagusietan iragarri zuen Gernikako Lurgorri Eguneko Zentroaren priba<zazioa, desgaitasuna duten 15 pertsonari zerbitzu publikoa ematen ziena. Zentro honen kudeaketa, bere osotasunean, erakunde pribatu baten esku geratuko da.
Ez da azaroa amaitzen aldaketa berriak iragarri gabe: Hirugarren adineko 64 egoiliarrentzako plaza kopurua duen Gallartako Laguntza Zentroak, ateak itxiko dizkio zerbitzu horri, biztanleria-sektore horretarako egoitza-plazen kopurua murriztuz. Aurrerantzean, zentroa desgaitasunetara bideratuko da. Gainera, beste zentro bat ireki dute Mundakan, dibertsitate funtzionala duten pertsonentzat. Hemengo zerbitzu guz<ak priba<zatuta daude, zuzeneko arreta izan ezik, honek GUFEko E taldeko lanpostuen suntsiketa suposatzen du.
Berriro ere zerbitzu publikoen murrizketa baten aurrean gaude, adinekoentzako zerbitzua murrizten duena. Aldundiak eta hura sostengatzen duten alderdi politikoek defendatzen duten titulartasun publikoa eta kudeaketa pribatuaren ereduaren beste urrats baten aurrean gaude.
Gaur egun, Bizkaiko Lurralde Historikoan adineko pertsonentzako 154 egoitzako sarea dago, 10.748 plazarekin. Gizarte Laguntzarako Foru Erakundeak, Bizkaiko Gizarte Ekintza Sailari atxikitako erakunde autonomoak, 400 plaza publiko sozio-sanitario eta adinekoentzako zituen orain arte, eta hemendik aurrera 336 plaza geratuko dira, publikoki kudeatuko diren plaza kopuru hutsala.
Eta aldaketa horiek guztiak, pandemiaren babesean, beranduegi heltzen diren erantzun eta gezurrekin, ildo politiko oso argi baten ondorio dira: Gizarte Zerbitzu Publikoen sektorea pribatizatzea.
Pandemiak egungo zaintza-ereduaren ahuleziak eta egokitasun eza islatu ditu, baita Gizarte-Zerbitzu Publikoek eskaintzen duten kalitate asistentzial maila altua dela, baina negozioa, negozioa da.
Eta dena irabaziak handitzeko eta zerbitzua kostu baxuekin eta etekin handiekin ematen duten enpresei eusteko estrategiaren ondorio da. Beren enpresak dira, eta negozio mamitsu eta amaigabea dute eskuetan, beharraz baliatzen direlako.
Garbiketa-zerbitzuak pribatizatzetik hasi ziren, ondoren sukaldekoak, atezaintza, administrazioaren E taldea suntsitzen ari dira, hori guztia baldintza ez-duinetan lan egiten duten pertsonen kontura, eta mendekotasuna duten eta egoera ahulenean dauden herritarren kontura.
Erakunde sindikalek erakutsi diegu Sektore Publikoa kualifikatuta dagoela eta kalitatearen bermatzailea dela, sektore pribatua ez bezala, non interes ekonomikoak lehenesten diren zerbitzuaren kalitatearen gainetik. Egoitza pribatuetan (hirugarren adina eta desgaitasuna) pandemia indartzeko eta kontrolatzeko, Bizkaiko Foru Aldundiak “Infekzioak Ikuskatzeko, Kontrolatzeko eta Prebenitzeko” taldeak sortu ditu langile publikoekin (GUFE), eta profesional publikoak kontratatu ditu Birjinetxe Covid- zentrorako, erantzun azkarreko taldeetarako (egoitzetan Covid agerraldi baten aurrean jarduten dutenak) eta COVID koordinatzaileentzat. Ondo prestatutako langileak eta ibilbide profesional kualifikatua dutenak. Azken batean, sektore pribatua bere gabeziak eztaltzeko, baliabide publikoez baliatu behar da, eta beraz, zerbitzu publikoak indartu behar dira.
Zerbitzu publikoak ez daude interes ekonomikoak sortzeko, ongizate orokorra eskaintzeko baizik, baina estrategia poli<koak diru publikoa poltsiko pribatuetara bideratzen ari dira, eta, beharbada, poltsiko pribatu horiek politika horien zati bat finantzatzen dute, eta horrela ixten da zirkulua interes eta onura handiak gutxi batzuen esku utziz.
Horregatik salatu nahi dugu politika horiek ez daudela ordezkatzen dituzten herritarren zerbitzura. Ez dira zerbitzu publikoak defendatzen ari. Beren interes alderdikoiak defendatzen ari dira ETA EZ DUGU ONARTUKO.
GUFEko Zerbitzu Publikoen desegitea oso larria da. Eta Gizarte Ekintzako diputatua eta diputatu nagusia dira horren erantzule. Arlo publikoan inor soberan badago, politika horien arduradunak dira.
GUFEn ordezkaritza duten sindikatuok erabat baztertzen ditugu erabaki horiek eta:
– Ez dugu beste pribatizaziorik onartuko.
– Ez dugu onartuko herritar behartsuenak merezi duten kalitatezko zerbitzurik gabe uztea.
– Zalantzan jartzen dugu titulartasun publikoa eta kudeaketa pribatuaren egungo eredua.
Langile guztiei eta, oro har, herritarrei mobilizatzeko deia egiten diegu, abenduaren 18an, 11:00etan Bizkaiko Foru Aldundiko Jauregi aurrean.