Lehengo Lajo y RodrĆguez, SA (LYRSA) enpresak, Derichebourg multinazional frantsesak erosi zuenak, enplegua suntsitzen jarraitzen du. Enpresak ziurtatzen zuen salerosketa-operazioan 2 urtez enplegua mantentzeko klausla bat zegoela, baina martxotik hona 10 langile kaleratu ditu, urte hasieran 45 inguru zirenean. Eta gainera, badirudi ez direla azken kaleratzeak izango.
Aipatu beharrekoa da enpresak indarrean sartuz joan diren covid-19aren aurreko ABEEE modalitate desberdinak erabili dituela. ABEEE hauek enpleguarekiko konpromisoa suposatzen dute, behin eta berriro bete ez dena. Korredore atlantiarrean zentro logistiko huts bezala utzi nahi du enpresak Arabako lantegia, eta honetara bideratutako estrategiari erantzuten dio zuzendaritzaren jarduerak. Gainera, beldur gara enpresak pandemia-egoera baliatuko dutela bere planak aurrera eramateko, mobilizatzeko izango ditugun mugapenen jakitun. Gogoratu nahi dugu enpresak 8 milioi eurotik gora banatu dituela irabazietan 2016 eta 2017an, baita galerak aitortu zituen urteetan ere.
Horregatik, LABen dinamika bat jarri dugu martxan arazoa sozializatu eta langileekin batera, odoluste hau geratzea lortzeko urratsak adosteko. Gaur egingo da lantegian bertan langileen lehen asanblada. Gainera, enpresa kokatuta dagoen Udaletan (Asparrena eta Donemiliaga) babes-mozioak aurkeztuko ditugu.
LABekook ez dugu onartuko egoeraren zama guztia langileon bizkar erortzea. Ez da bidezkoa batzuk poltsikoak bete eta aberasten diren artean, enpresa langileak kaleratzen ibiltzea aitzakia ekonomikoekin.
Derichebourg-Lyrsan ez dago inor soberan. Enplegu bermea orain.