2026-11-20
HomeIndustriaMetalgintzaLABek Gipuzkoako Metalgintzako Hitzarmena indarrean dela aldarrikatu du

LABek Gipuzkoako Metalgintzako Hitzarmena indarrean dela aldarrikatu du

Gipuzkoako metalgintzako herrialdeko hitzarmena indarrean dela aldarrikatuz LABek jarritako salaketa aztertu du gaur Euskal Autonomia Erkidegoko Auzitegi Nagusiak Bilbon. LABeko metalgintzako ordezkariek herrialdeko hitzarmenen defentsa egin dute epaitegiaren kanpoaldean, eta gaurdaino egin bezala, eta epaia edozein delarik, Rajoyren erreforma atzerakoia metaleko enpresetan aplikatu ez dadinborrokan jarraituko dutela adierazi dute. 

Elkarretaratzean, LABeko metalgintzako arduraduna den Jon Kirru Iparragirrek, sindikatuak jarritako salaketak hitzarmena bizirik jarraitzeko bide bat irekitzen duela esan du, baina bizirik irauteko borroka honetan Gipuzkoako metaleko langileak direla giltza aldarrikatu du. Horren adibide uztailaren 7a baino lehen eta ondoren metalgintzako langileek euren eskubideen alde egindako lana goraipatu du.

Iparragirrek Adegiren jarrera salatu du, euren asmoa Rajoyk inposaturiko erreforma enpresetan txertatzea dela aipatuz. LABek negoziazio kolektiboan bizi dugun gatazta ez dela juridikoa gogoratu du, sindikatuarentzat "argi ikusten" da " gatazka hau politikoa, soziala eta sindikala dela".

Iparragirrek sindikatuak herrialdeko hitzarmenaren aldeko borroka enpresetara ere eramango duela adiezi du eta "enpresetan konfliktibitatea bilatuko" dutela gaineratu du, bertan, "herrialdeko, sektoreko langileek hitzarmen honekiko atxikimendua sekulakoa dela" argi geratu delako.
 

LAB sarean
{module[111]}

       

AZKEN ALBISTEAK | ÚLTIMAS NOTICIAS

Arabako ardogintzaren sektorea mobilizatu egin da hitzarmenaren alde

Gaur izan da udazkeneko lehen mobilizazioa.

Anbulantzietan 1400 milioi euroko pribatizazioa geldiaraztea #LortuDugu eta zerbitzuaren publifikazio osoa exijitzen diogu EAEko Osasun Sailari

Kontratuen Inguruko Errekurtsoen Administrazio Organoak (KEAO) arrazoia eman dio sindikatuari, eta bertan behera utzi ditu bai larrialdietako anbulantzien (LGSS), bai anbulantzia ez-asistentzialen lizitazioak. Ebazpenek berretsi dute Osasun Sailak ez duela justifikatu baliabide propiorik ez izatea, eta gogorarazi dute legeak kudeaketa publiko zuzena lehenesten duela.

Nafarroako Enplegu Zentro Berezietako lan-prekaritatea salatu dugu eta diru publikoaren gaineko kontrol handiagoa eskatu dugu

LAB sindikatua mobilizatu egin da gaur goizean Nafarroako Enplegu Zentro Berezien (EZB) sektoreakin, Nafarroako Foru Komunitatean arlo horretako langileek pairatzen dituzten lan-baldintza prekarioak publikoki salatzeko. Sindikatuak Nafarroarako berariazko arau-esparru bat eskatu du, sektoreko langile guztientzako lan-baldintza duinak bermatzeko eta plantillen arteko desberdintasunak saihesteko.