Miribillako Bilbao Kirolak-en instalazioetan gutxienez bi positibo atzeman dira. Guedan enpresak kirol jardueretarako azpikontratatutako langileei honako mezu hau helarazi zieten, gertatutakoaren berri emateko: “Kaixo, gaur, hilak 19, COVID-19gatiko beste kasu positibo baten berri ematen da Miribillako kiroldegian. Garbiketako kontratako langileei eragiten die. Gogorarazten dizuegu higiene- eta segurtasun-neurriak zorroztu behar direla”. Aurreko kasua joan den astean gertatu zen.
Bestalde, garbitzaileei euren enpresak (Zaintzen) dei egin zien proba serologiko bat egin zezaten, ezta PCR bat ere. Langileek Osakidetzara jo zuten proba egitea eskatuz eta honek esaten die arduraduna mutualitatea dela, eta azken honek esaten die Osakidetza dela. Oraingoz beraz, ez zaie proba egin, eta langile batzuek diote sintomatologia dutela.
Esan gabe doa Bilbao Kirolak-ek eta Bilboko Udalak ez dietela honen berririk eman erabiltzaileei. Zentroa ez da itxi desinfektatzeko, eta ez dira erabiltzaileekin harremanetan jarri berrogeialdi prebentiboan jar zitezen.
Lotsagarria da arduradun politikoek prentsaurrekoak deitzea euskal gizarteari normaltasun berri honek eskatzen zuen mailan egoten jakin ez duela leporatzeko, eta agerraldia euren etxean gertatzen denean entzungor egitea.
Bilboko Udalari gertatukoaren inguruko azalpen bat eskatzen diogu, protokoloa eredugarritasunez aplika dezala eta erantzukizunak argitu ditzala, gertakari hauen aurrean izandako kudeaketan izandako kudeaketa penagarriagatik.